網民表示，與其坐等，不如主動尋找
疫情下不少人慘失業，有市民就在網上發帖鼓勵揾食艱難的港人，即使失業也不需覺得好大件事，只要努力必定能找到工作，並分享自身經歷，曾在2008年金融海嘯生意失敗的他，一度做過公廁所長，但仍堅持不懈，最後也度過難關。
資料圖片
網民在「Tai Po大埔」Facebook群組發帖分享個人經歷。2008年金融海嘯，當年30歲的網民生意失敗，家中有老有幼，只能繼續尋找可以做的工作。「我落街行，經過一個公廁，請所長，我立即見工，條友問我，做得來嗎，我答: 我嘅人生夢想就係做所長」。風趣的答案贏得僱主歡心，第二日就真的請了他。
網民鼓勵即使失業，只要不放棄也總會有出路(示意圖)。資料圖片
「所長」人工只有5000多，「係污槽，好多人見到呢個年紀做所長，會用奇怪眼光望住，但工作仲係應付到，好過係屋企坐。」三個月後朋友介紹做倉務，但做不習慣的網民後來又做回所長，直到半年後找到地盤文職工，一做就好幾年。
資料圖片
網民表示，與其坐等，不如主動尋找，不要嫌棄體力勞動或厭惡性的工作，「做所長時，我係諗都唔係做成世，最少有生活費先，做唔掂咪走人再揾。」他更再爆曾做過滅蟲、跟車、樓面、大廈維修，全部都做你長，「大廈維修，一見到出棚架，3x層，朝早已經唔做，但肯揾總會有，餓你唔死」。
資料圖片
勵志帖文引來網民「派like」，紛紛鼓勵香港人加油，有人指「能屈能伸，欣賞」、「職業無分貴賤，無人洗碗起樓就唔成世界！有手有腳唔返工R福利嘅就真係賤」、「心態決定境界」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
