創作歌曲為新婚兄嫂慶祝 許廷鏗被催婚擺明hea答

胞兄感動到流下喜悅的眼淚

許廷鏗（Alfred)和鄭欣宜為香港開電視錄影節目《30分鐘大放送》，二人各自帶備私房廚具希望能炮製「好西」鬥贏對方。煮西班牙菜的Alfred透露， 30多年來首次煮飯畀家人食就是這菜式，家人大讚他有天分。

這對好朋友齊錄影節目。

Alfred早前在胞兄許永鏗的婚宴中除了送上禮金做人情外，還特別為胞兄創作了一首歌，並於台上獻唱更拍攝MV於現場播放送給一對新人。Alfred知道胞兄好感動並流下喜悅的眼淚，而他的嫂嫂裴殷(A.Lin)是前𡃁模，Alfred表示哥哥拍拖四年多，嫂嫂跟家人相處融洽，更與他同齡，所以兩人十分投契。問到Alfred在婚宴上可有被親友催婚？他笑言：「當然有，我只能說，快啦!快啦! 還好，親戚中的長輩知道我出了唱片，買了並帶到現場攞簽名。」

許廷鏗哥哥許永鏗跟裴殷拍拖4年。

許永鏗跟裴殷上周六結婚，許廷鏗開心參與。

欣宜指祖藍女兒得意過她好多。

王祖藍及李亞男的女兒王天韻（Gabrielle），就快兩歲。

一提起胞兄結婚，Alfred就好開心。

Alfred又透露爸爸台上致詞時，不是講結婚的哥哥，而是不停讚他，令Alfred 尷尬萬分。此外，早前王祖藍和李亞男於社交網站分享女兒食雪條的照片，引來網民指他們的女兒貌似欣宜，對此，欣宜說：「我覺得她比我更得意，人愈大愈明白，小時候為何長輩鍾意看着我食東西，現在我見到小朋友吃東西也很開心。」

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。