同郭富城打麻雀「唔係打錢，係打車！」？ 張智霖親身解畫

小賭怡情。

網上圖片

張智霖（Chilam）最近為宣傳新劇與周秀娜、黃宗澤作客myTV SUPER節目《Tiger's Talk》。Chilam講到自己平日靠寫字、畫畫等文藝嗜好減壓，主持伍詠薇和林盛斌當然不會輕易相信，再三追問下他終於坦承自己有麻雀癮。

網上圖片

Chilam表示童年因受家人影響而相當喜歡打麻雀，小學放學後強行要家姐陪他解牌癮。Chilam認為打牌可以使自己專注於牌局當中，不用想現實的事情，不過伍姑娘就踢爆他經常贏錢，心情好才可以減壓。Bob指Chilam發洩壓力到朋友身上：「你贏晒佢哋啲錢，嗰幾個就梗係好大壓力啦！」

IG圖片

伍姑娘就指要視乎對手，大爆Chilam的牌友是天王郭富城及名牌時裝老闆沈嘉偉。黃宗澤在旁表示：「所以佢哋唔打錢，打車！一番一條軨。」

網上圖片

與富豪打必然要預備不少賭本，Chilam被問到打得幾大，他只答幾細都會打，被Bob連番追問下最後透露只「一餐飯」、「食拉麵」的價錢，眾人指「食一餐飯可能幾百萬。」Chilam解釋指事關經常一齊打牌，所以不可以打得太大，「唔係搏命咁打，（有冇六位數字？）冇、冇，（十萬、廿萬？）唔係唔係，（幾千幾千？）千零蚊咁啦！」伍姑娘聽到後直指Chilam講大話：「我唔識打麻雀都知唔會千零蚊上落啦！」

IG圖片

最令人意外的是，出名愛鍚囝囝和老婆的Chilam強調家庭並非減壓好地方，事關現年13歲囝囝魔童開始步入青春期，變得不愛親近父母。Chilam表示：「佢已經有自己嘅圈子，係好突然變成咁，突然間噚晚仲攬住一齊瞓，今日就話：『Dont's touch me』。」Chilam只好落寞地重溫舊時片段，但囝囝卻要求他刪除片段。

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。