周星馳憶述2010年3月，于文鳳提出分手。
周星馳否認02年聖誕節曾口頭商業承諾前女友于文鳳，分享一成投資佣金給她。周星馳憶述2010年3月，于文鳳提出分手，7月看雜誌才知道正式分手，他坦言：「其實佢搵到佢喜歡嘅人，我都好開心。」
周星馳指分手後與于文鳳仍維持好朋友關係。
資深大律師袁國強提出，周星馳與于文鳳分手後，於2011年4月分享尖沙嘴GI Mall物業股權。周星馳坦言自己無法確認何年跟于文鳳正式分手，袁大狀質疑他早前已在證人誓章中指他和于文鳳2010年3月結束情侶關係，為何他跟于文鳳翌年之間沒有任何愛慕關係時，仍有一些商業股權轉贈。周星馳此刻澄清：「分手係指變成一個好差嘅關係，由情侶慢慢變淡，然後變成朋友關係，之後再轉差就連朋友都唔係。所以分手係由朋友都唔係嘅關係。」周星馳憶述，2010年3月于文鳳提出分手，同年7月從報章雜誌才知悉對方已正式分手。
袁大狀質疑，既然2011年兩人已分開，周毋須履行承諾，周星馳重申：「依個承諾係建基於大家開心，雙方關係良好。」他續指：「當我知道于小姐有新男友，我當然明白佢啲情況，記憶中雖然係咁，但係我哋仲維持好朋友關係，一開始，其實佢搵到佢喜歡嘅人，我都好開心。」
