*

一家穿黑衫商場穿梭 羅霖兩個仔傍住阿媽撳錢

細仔好有型!

自13年跟劉坤銘離婚後,55歲的羅霖即全面復出幕前養家,供三個細路讀書要用好多錢,不過,話咁快在美國修讀心理學的22歳二仔劉子熙(Jordan)已畢業,本月初還跟日德混血女朋友閃婚,做了奶奶的羅霖終可以鬆一口氣。之前《頭條新聞》見到羅霖同23歲大仔劉子榕(Nathan)及14歲孻仔劉子晉(Jonathan)去又一城櫃員機撳錢,三人全黑裝扮,兩個仔從後傍實媽媽,再望真啲,戴了黑超的細仔高過阿媽,瘦了,頭髮又長了,好有星味。

兩個仔陪阿媽行去撳錢,身後長頭髮少少的是細仔,大仔殿後。

當年羅霖離婚後講過,靠自己養家,沒有收過一蚊贍養費,「三個仔學費、生活費各樣支出都好大,尤其係去國外留學,每年加埋食宿三十幾萬,去美國更加貴,每年接近五十萬。」但之後劉坤銘就發聲明指一直有支付三個仔的學費,並非如羅霖所指由他單方面承擔大部分費用。

- 閱讀更多 -

往下看更多文章