*

upload_article_image

《叱咤》男歌手7強無哥哥 網民激批:張國榮輸咗畀姜濤?

商台消費哥哥?

商台《叱咤樂壇流行榜頒獎典禮》將於明年1月1日舉行,日前公佈的「我最喜愛的男歌手」12強名單中,因為今年環球唱片公司為張國榮推出了專輯《REVISIT》,將他的作品以改編的方式重新製作,所以已離世17年的一代巨星「哥哥」張國榮竟榜上有名,有資格參賽,可以跟陳奕迅、鄭中基、麥浚龍,甚至後起之秀陳柏宇、許廷鏗、姜濤及胡鴻鈞等一同入圍爭入最後5強,自主辦方公布名單後引來網民熱話,不滿商台出綽頭來「消費」已逝者,而且一位傳奇歌手要與一眾年資和地位相距甚遠的新生代並列,係對哥哥不敬。網民激動留言:「竟然將張國榮同呢班蛋散放埋一齊,直頭係侮辱」、「張國榮復活重返903樂壇」...

不少網民追問哥哥呢?亦有粉絲熱捧姜濤及鄭中基。

昨日商台公布「我最喜愛的男歌手」最後8強走勢,哥哥繼續喺入圍名單內,事隔1日直至今日商台公布「我最喜愛的男歌手」最後7強時,只剩下林家謙、姜濤、柳應廷、許廷鏗、陳卓賢、陳奕迅及鄭中基。對於哥哥突然冇得留底,有網民得知後即在叱咤的facebook中留言鬧爆:「哥哥呢?」、「哥哥唔見咗商台你消費完哥哥嗱」、「張國榮輸咗畀姜濤?」、「還我哥哥」、「哥哥唔見咗」...當然姜糖洗版式力撐姜濤,而陳奕迅及「暴龍哥」鄭中基、林家謙、柳應廷、許廷鏗就只獲零星落索Fans支持。

- 閱讀更多 -

往下看更多文章