*

懶理官司拍外景心情靚 楊明拒戒酒:又唔係毒品

仲開心到同無戴口罩的女fans合照添!

惹上官非嘅楊明近日忙拍TVB新劇《我家無難事》,日前就跟王君馨喺深水埗手藝市集拍足全日外景,拍完大半日文戲,再接住拍場飛撲兼碌樓梯戲,楊明瞓晒身力保男一位置,拍攝其間全程笑容滿面心情大好,惟獨問到月前被指醉駕炒車,會否見到酒就驚?他答得避忌:「點解呢?酒又唔係毒品。」

心情大靚 楊明拍外景時四萬咁口,全日都不停笑,心情大靚。

當日先拍一場飾演設計師的楊明,落市集探訪王君馨場口,因為現場人多攤檔多,足足拍了成個下午,不過,楊明心情大靚,《頭條新聞》見佢除了同沒有戴口罩的女fans合照外,還耐心跟小演員對稿,不時又撩吓台前幕後吹水,看一下手機,全程笑到見牙不見眼。入黑後就同王君馨有場嗌交戲,他要飛撲碌落樓梯,就算有替身,楊明點都要親力親為碌兩嘢,執返個大特寫鏡頭尾彩,飛撲碌落樓梯動作拍足十幾次都沒有怨言,反而愈拍愈High。

- 閱讀更多 -

Tags:

往下看更多文章