外傭更愈走愈遠。
馬路如虎口,帶小朋友過馬路時更加要小心。日前一名網民在社交網站分享指,目睹一名外傭過馬路時自行走先,不但漠視少主的安危,更愈走愈遠,網民看到隨即上前站在女童身邊,避免意外發生。該名網民直斥外傭不負責任,「點解一個大人能夠同小朋友(嘅)距離可以分到咁遠?」。
FB群組「深水埗街坊會」圖片
該名網民在FB群組「深水埗街坊會」發文,表示昨日在深水埗看到「一個如無意外係女傭嘅姐姐Fing開緊一個小妹妹」,雖聽不到對話內容,但「唔係好語氣」,女童更追住外傭。網民指「小妹妹追住,姐姐無望過佢各有各行,就因為咁我喺後面一邊望,小妹妹篤下姐姐,但姐姐無理佢」,又形容2人的距離變得愈來愈遠。
FB群組「深水埗街坊會」圖片
到了馬路口的時候,女童在店舖門外呆站,而外傭則在馬路旁邊等,完全沒有回頭理會少主。當轉成綠燈時,「個姐姐一支箭向外面方向行,真係頭都不回」,網民擔心女童自己過馬路會發生意外,於是跟着女童身邊,「諗住傍住下佢,我一邊望實個姐姐,佢真係頭都無擰過」,2人其後各自進入大廈內。
網民目睹一名外傭不理少主安危,拋下少主自行過馬路。FB群組「深水埗街坊會」圖片
網民目睹一名外傭不理少主安危,拋下少主自行過馬路。FB群組「深水埗街坊會」圖片
該名網民形容外傭過份,「我自己都有小朋友,有請工人姐姐,我完全幻想唔到點解啲姐姐可以咁」,呼籲女童的家長多加留意。不少網民都紛紛留言直斥外傭離譜。
港男揭其任職會計師的姐姐,因連續工作68小時,過勞暈倒入院,更疑對方患上思覺失調而做出瘋狂行為。
示意圖片
女會計師連續工作68小時,過勞暈倒送院
該港男於連登討論區以「家姐做會計做到入醫院」為題發文,表示其任職會計師的姐姐因長時間工作,導致嚴重睡眠不足,而過勞暈倒入院「連續工作68小時,一星期夾埋只瞓8個鐘,執定啲衫去公司住三個星期,最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係,而患上思覺失調,指對方精神失常,經常做出種種瘋狂行為:
「有次佢食飯發現自己食咗七分鐘,佢唔開心到爆喊,因為平時食三至四分鐘就食完,佢覺得浪費咗三分鐘,之後佢就好討厭食嘢而家勁瘦」
「佢而家為左慳時間一日淨係食一餐,其他都係咁食啲有營養嘅嘢,例如豆漿當一餐」
「有次佢腸胃炎,佢直接搬張枱同電腦,去廁所一邊屙屎一邊做嘢」
示意圖片
弟弟警世:唔好做會計
樓主透露姐姐並非在知名的四大會計師事務所(BIG 4)工作,而是在其他公司擔任會計師,但工資並不算高。姐姐入行後期望能夠在幾年後輕鬆一點,但卻因工作量過大,最終令身心健康造成嚴重影響。他又對勸告應屆考生不要入行「奉勸各位DSE生,唔好做會計!」
示意圖片
網民勸:辭工休息吓,再轉行
帖文引熱議,不少網民建議樓主勸姐姐辭職「如果喺真事⋯我覺得叫你家姐辭工休息吓,再轉行」、「我都係咁話,辭職,命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下,抖一排再重新出發」、「健康自己manage啦,要訓就要訓,要食就要食,捱壞左冇人可憐」。
示意圖片
帖文來源:連登討論區