(星島日報報道)本輪前一哥皇家蘇斯達的主將奧耶沙巴爾長期雙線作戰,上仗歐聯可見已力不從心。今晚聯賽主場對另一黑馬維拉利爾,該隊難言穩勝,而且近年跟黃色潛艇交鋒互有勝負,今仗一於博和。
  當選十月份西甲最佳球員後,奧耶沙巴爾本月聯賽三戰入兩球,帶領皇蘇本輪前高踞榜首。不過,該隊兵力有限,此子、中場米基爾馬連奴和中堅阿列斯艾路斯當度等七名主將各賽事已上陣一千分鐘左右,上仗歐聯作客0:0悶和阿爾克馬爾盡顯疲態,令今仗勝算打折扣。
  本輪前排第三的黃色潛艇也要出戰歐霸,但教練烏尼輪換得宜,只有兩名球員披甲超過九百分鐘,體能上較有優勢。相比皇蘇今個月各戰線四勝一和,維拉利爾同期也取得三勝兩和同樣不敗,加上兩軍過去兩季西甲各贏兩場平分秋色,故和博得過。