*

其他文章
獨自在更衣室嗌悶 姜濤表現慾大發自拍High爆片
upload_article_image

8歲囡囡叫王浩信Bro 陳豪無刻意三年抱三：行埋就有

眾人大談子女經

王浩信、陳豪和鄭丹瑞（旦哥）三位「型爸」接受《Tiger s Talk》訪問，宣傳邵氐劇集《非凡三俠》。王浩信表示女兒現時8歲，父女關係非常好，說：「我哋個世界都仲係一齊，大家會傾心事，我有時拍戲拍咩都會同佢講。放假時候，我哋會一齊去做運動、睇書、打機，佢學識游水同踩單車都係我親自教佢。有時佢直情唔小心叫我做Bro（兄弟）。」主持人林盛斌（Bob）羨慕不已，他笑指家中四個小朋友經常錯叫他做「媽咪」。陳豪即說：「你都好啦叫媽咪，我啲小朋友叫錯我做姐姐，佢哋有時口快快！」

王浩信好少講囡囡，原來兩父女咁好感情；陳豪搞笑說同老婆一行埋就有B。

王浩信與囡囡（資料圖片）

陳豪的三個小朋友分別6歲、5歲和4歲，對於陳豪三年抱三，連Bob都讚厲害。陳豪即時面紅說：「唔係刻意，不過一行埋就有…」，他認為論父子和父女間的溝通還早，因大仔才剛剛升上一年班。他說：「佢學緊游水，我哋先經歷到佢唔可以再入女廁，變相去完游水要自己識得沖涼，慢慢去學，佢仲係好細個。游水就交畀教練教，讀書寫字，特別係中文字就我教，冇辦法，屋企得我一個識中文，起碼學識寫自己名。」

- 閱讀更多 -

往下看更多文章

decor

​