對醫護來說拯救生命永遠放在第一位，然而有網民爆料指，日前在紅磡的私人屋苑，有保安以夜間禁止使用消防通道為由，拒絕開閘。最終，救護員需落車，跑入事發大廈救人。事件曝光後，不少網民批擊保安做法聲稱要「集體投訴」。
資料圖片
根據Facebook群組「馬路的事討論區」網民的發文，當時是有一輛救護車接報到一個私人屋苑救人，但在屋苑外兜了兩個圈，仍未能找到大廈入口。然後有數名街坊替救護車引路至屋苑消防通道閘口。救護員下車要求保安員打開閘口，讓救護車駛入該屋苑事發大廈附近方便救人，按理保安員應該大門方便之門，以便救護員救人，然而現場一名女保安居然拒絕要求，稱閘口不可以隨便開，讓車進入。
資料圖片
救護員：「我哋係入去救人。」
女保安：「呢度車閘夜晚唔會開，你哋只可以行旁邊嗰度行人閘出入。」
最後，救護員下車拿起所需裝備，跑入屋苑內尋找事發大廈，無奈表示：「咁你希望個傷者平安無事啦！」
網傳有救護車欲駛入屋苑救人，卻遭保安拒開閘。網上圖片
爆料者稱，閘口保安雖然有通知保安室，但保安室並沒有開閘，只顧叮囑問清救護員是去哪座大廈的單位，但保安員並沒有為救護員引路。
爆料者批評：「有咁嘅管理處，唯有希望嗰個屋苑唔好有火警，同埋居民身體健康。」
資料圖片
網民亦紛紛炮轟：「集體投訴」、「不會變通」、「太死板」、「未聽過有地方可以阻住救護員唔比入」、「消防同救護一定係第一時間放入啦！咩屋苑？開名啦！」、「個保安管理公司應該很快會被人換走。」
港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。
示意圖片
女會計師連續工作68小時，過勞暈倒送院
該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係，而患上思覺失調，指對方精神失常，經常做出種種瘋狂行為：
「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」
「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」
「有次佢腸胃炎，佢直接搬張枱同電腦，去廁所一邊屙屎一邊做嘢」
示意圖片
弟弟警世：唔好做會計
樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」
示意圖片
網民勸：辭工休息吓，再轉行
帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。
示意圖片
帖文來源：連登討論區
