照顧細路係媽媽嘅責任?
GETTY圖片
女人生完仔後變另一個人？可能是老公的問題。有港爸在「香港討論區」發文，表示太太生完小朋友後變了另一個人，更力數她的多宗罪，惹來網民一面倒力插「無資格做人老公」！
港爸怪老婆不體諒，被網民炮轟（示意圖）。網圖
港爸表示，自己返工朝9晚5，放工後想抱下BB，但卻被老婆大鬧要先洗澡洗手。他下班回家後本來想先打幾鋪機，但老婆又發脾氣要他先洗澡。當爸爸正在打機期間，BB突然狂哭，港爸表示自己不能走開，於是向正在洗澡旳老婆大喊：「出嚟理咗個仔先！」但老婆卻反質問為甚麼他在客廳卻不理會兒子。
當老婆洗完澡後，爸爸仍在打機，於是叫她準備晚飯，令老婆生氣，指責他日日打機，但港爸卻指「我返完成日工要佢煮俾我食先都應該啦......佢係全職媽媽，咁湊仔煮飯唔係應該由佢做咩？」
GETTY圖片
爸爸表示老婆常常大呻自己沒出色，又後悔當日嫁了給他，但他指自己上班比老婆辛苦，「佢都係喺屋企嘆住冷氣湊仔，佢明明朝朝未天光就起咗身泵奶，但佢都唔會叫我起身返工，搞到我接近日日遲到。」
除此之外，老婆又會呻自己為了兒子餵人奶，日日只睡幾小時很累，爸爸提議她不如餵奶粉，但老婆卻表示想將最好的給兒子，「我咪又係食奶粉大，食到我而家牛高馬大，明明未生之前，我一向都係咁嘅生活習慣架喇，完全唔知佢係咪產後抑鬱，成日發我脾氣話我無資格做人老竇。」
GETTY圖片
貼文一出，網民一面倒力插這位新手爸爸。「過份，都唔知你點做人老公做人老竇」、「你嘅問題，只要你同老婆互換一日咁大把，就無晒疑問架喇」、「照顧小朋友好辛苦，你要改變下生活習慣去配合」、「你不如返番屋企做你阿媽個仔啦！你完全唔了解一個全職媽咪有幾辛苦， 仲要係一個人奶媽咪！只係掛住自己！自私！」
