等待好消息。
太極樂曲主音雷有輝（Patrick）將於本月19至20日舉行音樂會，由於第4波疫情來勢洶洶，不少樂迷都擔心演唱會能否如期舉行。Patrick透過錄音主動回應樂迷，更多次激勵港人，雨後天晴彩虹就會出現。
資料圖片
Patrick說：「大家都知道第4波來勢非常之兇狠，連日來都有好多朋友關心我呢個演唱會，能唔能夠如期舉行。多謝佢地關心先，我呢個騷能唔能夠如期舉行都係其次，最緊要都係關心香港人嘅健康。所以喺度都呼籲大家再忍耐多一陣，如果可以的話就盡量在家工作，盡量少啲出去外面活動、聚餐、其他唔同活動。希望忍耐多一陣，希望疫情盡快走下坡，咁就可以過返一啲正常生活。」
Patrick因應疫情順延下周綵排，希望早日雨過天晴，彩虹就好快會出現。
資料圖片
資料圖片
Patrick續謂：「好似我哋咁，我哋製作團隊同樂隊，今日其實都安排咗綵排，不過因為疫情來勢洶洶，所以我哋都順延到下個禮拜，睇睇有無最新消息公布，然後再綵排。大家唔需要擔心，萬一真係好好彩個騷可以如期舉行的話，我哋隨時都係作戰嘅最佳狀態，會喺個台上同大家見面。希望我哋個製作團隊同樂隊都係非常之專業，大家都喺屋企做定晒功課，我自己亦會喺屋企練定晒所有歌，隨時都可以上台同大家見面。再同大家講一聲，唔好意思，忍耐多一陣，嚟緊個多禮拜應該會有好轉。希望快啲雨過天晴，彩虹就好快會出現。」