網上討論區「親子王國」有網民發文，指親戚舉家移民澳洲，但拒再供養只靠政府長者津貼過活的七旬父母。發帖者勸兩老逆按揭居所套現不果，還打算留給子孫，令發貼者感慨「一身兒女債」。
設計圖片
發帖者指，任職審計師的男親戚憑妻子的澳洲公民身份，全家11月飛去澳洲悉尼，帶住100萬港元強積金，在悉尼已有兩間已供滿的公寓單位。發帖者引述男親戚的父母，稱親戚飛之前只留低一堆二手廚具，無留低錢給父母。親戚就認為已幫父母買人壽保險，葬禮由保險公司負責還有錢到手。
澳洲悉尼。
發帖者透露， 「兩老七十幾靠生活津貼過活，儲蓄只有六萬元」，批評「移咗民就可以唔理年老父母」。發帖者又稱，「我叫佢哋逆按間自住屋，兩老話留畀個仔同男孫」，他擔心「水電煤差餉地租、管理費、伙食、醫藥，兩份生活津貼夠咩」。
發帖者指，兩老經常為這位親戚操勞家事，「（兩老）係香港做咗六年褓母，又幫佢個上海老婆帶水貨上深圳賺錢。」親戚走時卻一分錢也無留低。發帖者又指控：「佢（親戚）父親最近入過醫院，佢叫我們叫醫院俾佢（父親）住耐啲唔好咁快出院」
澳洲悉尼。資料圖片
帖文引來其他網民指責，「兩老好可憐，呢個年代變，人情冷暖受環境影響，我會勸人唔好生，唔好太大期望」、「孝心都無... 真係聽者傷心... 」。有人認為：「如果我係嗰兩老，無生活費，我都會拎間屋去做逆按揭。仲留乜，啲子孫都唔會返嚟住啦」。
悉尼
但也有人留言：「如果關係唔好，住在香港也唔會理，關移民咩事？」、「如果冇移民，或者唔會知佢其實根本人品如此，只係移民先俾你知道咗」、「一家唔知一家事，好難話移民就係不孝，或者人哋安頓好亦未必會唔理父母」等。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
