好無辜。
2018年港姐冠軍陳曉華（Hera）驚爆與男團MIRROR人氣成員陳卓賢（Ian）秘戀，更被拍到Ian開車接女方去撐枱腳；數日後Hera又獨自開著男方的座駕買家品布置二人同居愛巢。Hera事後受訪傳媒直認跟Ian認識，但稱工作以外的事不作回應，亦未有否認戀情。至於Ian經理人花姐對此回覆：「車裏面嗰個唔係Ian，其他不作回應，謝謝。」
Ian作為MIRROR成員，無論與誰拍拖都必引起粉絲不滿。
25歲的Hera參選前曾跟狄以達拍拖，分手後的她早前拍攝新劇《異搜店》，被指向拍檔何廣沛主動出擊，沒想到她跟不同電視台的Ian發展迅速，新歡與舊愛同樣能歌善舞。
Hera是2018年港姐冠軍。
Hera剛在無綫台慶拎得大獎，應該很好運。
Hera剛晒浪漫頭造型就爆出與Ian戀情，被對方粉絲留言鬧爆。
Hera昨日才在社交網貼上頭髮新造型照，留言：「呢個係浪漫頭 雖然沒有浪漫 今年很幸運 遇到很多機會 還有很長長的路要學習和努力 加油加油」，在爆出與Ian戀情後，有男方粉絲嬲爆留言：「個機會係咪同到Ian拍拖呀」、「呢個女人真係唔知醜，仲要黐埋 Ian度」、「你走啦，Ian唔𡽘你，照下先」。
MIRROR衝出香港。
MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。
MIRROR前晚抵達紐約，大批粉絲應援偶像
MIRROR亦到CNN接受訪問
於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」
前半段先表演新歌《DAY 0》
Stanley表示最想同Dame D.O.L.L.A合作
Anson Lo全程流利英語回答
Ian 都係英文擔當之一
大表哥英文都幾好
有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。
事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」
