Alex話平時收好多贊助禮物，可能有人會鐘意。
林德信（Alex）、T-Ma、曾詠熙（Teresa）受訪網媒「後台」宣傳新歌，分享聖誕願望。Alex謂兒時非常期待聖誕節，刻意早起身拆禮物：「4歲時在美國居住，當年早起身跑落樓去聖誕樹底拆禮物，好似電影橋段咁！返到嚟香港就冇啦，因為依家間屋咁細，聖誕樹都擺唔落啦。」
3人天寒地凍食雪條。
不過，Alex仍期待聖誕派對，可以趁交換禮物環節「散貨」：「因為平時好多贊助的禮物，但可能我未必鍾意，咪攞出去同人交換囉，我唔鍾意之嘛，可能人哋好想要呢！」
林德信講起兒時過聖誕，童真即回來。
林德信指平時好多贊助用不著，可以當聖誕禮物送出去。
同場的T-Ma、Teresa不時放閃，Teresa表示想帶男友返新加坡過節：「早排聽到兩地有旅遊氣泡，想帶他回去見家人，剛好弟弟要結婚，我一定要回去，要做婚禮主持，但現在疫情就沒辦法。如果香港過節就準備得浪漫一點，幫對方按摩、煮聖誕大餐吧，但預感到十分累。」
曾詠熙和T-Ma宣傳不忘放閃。
著名音樂人T-Ma就大讚女友廚藝了得，他畫素描作回禮，成功感動女友。早前二人合作推出新歌，T-Ma自爆瞬間打破最多錄音次數紀錄：「我成日聽人哋聲音好容易，但係聽自己把聲就好唔習慣，呢次我錄咗300個Take，係一個冇人可以打破嘅紀錄。2021年我都想出多啲歌，幕前幕後雙線發展。」
林德信透露見到哥哥同妹妹生完小朋友好似好開心、好Sweet，所以都想生BB。
林德信（Alex）與孫曉賢（Kendy）日前出席酒吧騷「Singleton Sip or Speak」，二人一早到場綵排，仲彈結他Jam歌，好快全場氣氛高漲大合唱！Alex就話二人同年出道，當年更同屬一間唱片公司，笑言呢次音樂演出似「重聚」，「其實我同Kendy都鍾意飲嘅，所以次次見面都會飲翻杯，有一次酒吧撞到佢，諗住飲杯聚吓就算，點知突然落大雨走唔到，睇嚟都似個天要我地聚多一陣。」
林德信與孫曉賢日前一同出席酒吧騷。
剛剛完成婚禮的Alex剛渡蜜月回港，佢就話呢次唔算「Honey Moon」，因為全家都參與其中，忙於打點無閒「造人」：「好多年都冇成家人去旅行，呢啲機會要好好享受吓，哥哥同妹妹幾年冇見面，連姨甥都係第一次見面咋！見佢地生完小朋友好似好開心、好Sweet想生BB，長輩都冇催我吧，生仔生女都冇咩所謂。」
林德信完成婚禮兼渡蜜月回港。
Alex指今次渡蜜月，全家都參與其中，所以無閒「造人」。
直言想生BB，生仔生女都冇所謂。
Alex就話希望來年想搞個人騷，Kendy反建議對方搞音樂節，將音樂、瑜珈、茶道大結合，Alex即席邀對方參與：「『造人』、『搞騷』唔怕一齊嚟嘅，呢啲係自己嘅挑戰，可以同步進行，可能半夜返去幫手餵奶，之後朝早再出去唱歌。」
Alex又希望來年想搞個人騷。
Kendy就建議對方搞音樂節，將音樂、瑜珈、茶道大結合。
雖然蜜月與親友同行，Kendy亦有參加，笑言Alex朋友「夠搞笑」，「佢有個法國朋友，突然用廣東話唱『少林功夫好』，真係全場都好surprise。（合眼緣叫Alex介紹？）人地有家室喇，唔好搞呢啲嘢。佢嘅Wedding真係好正，我聽到佢話想要小朋友都幾Surprise，我突然覺得佢有外父相。」
原來Kendy亦有參加Alex的蜜月之行。
而Kendy剛從日本回港，完成當地兩場音樂會，「見到有好多香港人專程嚟聽，佢地好掛住廣東歌。我都寫咗篇日文嘅謝詞，以為會好緊張，點知講講吓都喊晒。今次見到當地好多美男子，不過就冇艷遇，希望下次去再開騷時，帶埋艷遇返香港就幸福啦！」
Kendy剛在日本完成兩場音樂會。
Kendy笑指今次冇艷遇，並希望下次去再開騷時，能帶艷遇返香港。
