戀情化作感情。
阮小儀主持的香港開電視新節目《小儀與13型男》將於本周六（26日）首播，節目安排13名型男跟小儀約會，首集請來「愛妻型」張繼聰（阿聰）擔任約會對象。為博「紅顏一笑」，阿聰可謂出盡法寶，除了出動私伙電單車載小儀遊車河外，更獻出自己第一次調酒給對方，令她大叫榮幸。自覺是一個合格男友的阿聰說：「每一個男人着緊另一半嘅話，都會想佢開心，會諗一啲驚喜畀對方，當時間長咗，戀情變成感情時，更需要浪漫時刻去保持關係新鮮。」
阿聰為阮小儀主持的《小儀與13型男》首集擔任嘉賓。
問到覺得自己是哪類型男？阿聰笑道：「好多人覺得我係搞笑、肌肉型，其實我覺得自己係文青、家庭型。」小儀聞言即大派檸檬表示：「睇唔出你係文青型，但絕對係家庭型，尤其是你有自己家庭後更明顯，所以我會覺得你係『愛妻型』。」
網上圖片
談到跟太太謝安琪（Kay）初相識的情況，阿聰大爆是自己先迷戀Kay，否認網上「女追男」的傳聞，他說：「雖然我哋係同一間中學，但唔同屆唔認識，網上流傳佢追我嗰啲係假嘅，真相係我哋同一年嘅新人，佢派歌先過我，我聽到佢嘅歌，覺得正喎，即被呢個女仔把聲同質感所吸引，把聲咁正，通常個樣都唔差；喺電視第一次睇到佢嘅MV，覺得正喎，於是好主動去追呢個女仔。」
阿聰更獻出自己第一次調酒給小儀。
那麼當年以甚麼招數追Kay呢？阿聰稱以傳統的傾電話攻勢：「同佢講電話，記得有次喺電話約佢睇戲，點知佢三日都唔覆我，於是嬲嬲地問佢點解唔覆我，佢話嗰套戲唔係特別想睇，所以咪唔覆囉，我覺得佢好有性格，令我更加鍾意佢。」一提及太太便甜絲絲的他，又指雖然二人結婚多年，但Kay仍會叫他記住初次見面的感覺，而他亦會努力經營保持拍拖的感覺。
阿聰表示會製造浪漫，努力保持拍拖的感覺。
至於夫妻相處之道，阿聰說：「太太係最好嘅朋友，因為日日都會對住，我同太太都唔係物慾嘅人，買禮物係氹唔到對方開心，反而共度假期比較重要，好似有一年情人節喺尖沙咀碼頭攞住支結他Busking，唱歌畀太太聽，其實都驚㗎，但印象好難忘。」提到其嗜好是玩電單車，阿聰形容車是最好的第三者：「男人玩好多嘢都可以好大件事，不過玩車最緊要安全，最好唔好太揮霍，太太又鍾意坐嘅話，成件事變得好浪漫，所以車係最好嘅第三者。」
