娛圈事
拍出最佳效果。
薛家燕早前為某馬來西亞品牌代言續約，由於受疫情影響未能飛往當地拍廣告，家燕姐就找來兒子石耀庭（Jackson）執導，來一個跨國Crossover。她笑指Jackson要求高，「我記得之前有個動作廣告，打咗十幾次都唔滿意，要我再打……唉！佢忘記我係佢阿媽，年紀有番咁上下，攰㗎嘛！第二我又係前輩，都要畀前輩休息吓，所以我搵珊珊（大女石祐珊）提一提佢，『唔可以用到我咁盡！』。」不過家燕姐亦明白Jackson的緊張，想拍出最佳效果先NG咁多次。
拍攝期間，家燕姐跟足Jackson指示，絕不馬虎。
當日除了拍廣告，家燕姐和Jackson更準備了驚喜為珊珊慶生。全部人先躲在家燕姐的化妝房並關上燈，當珊珊走進漆黑一片的房間時，大家才一起現身唱生日歌及送上蛋糕。
家燕姐和Jackson當日為珊珊慶生。
家燕姐同珊珊感情好好。
Jackson為媽咪代言的品牌拍廣告。
對於生日驚喜，珊珊表示：「頭先見出面冇晒人，見到間房又熄晒燈，仲以為發生咩事，嚇死我！」睇嚟70歲的家燕姐比囡囡更玩得喎。
李思捷接受新城「開心大派對」訪問公開扮嘢小貼士。
李思捷今日（4月6日）接受新城「開心大派對」主持薛家燕、范振鋒、思敏直播訪問，家燕姐讚李思捷有份主持的TVB新節目《福祿壽訓練學院》令到對演藝好有熱誠，但沒有機會表演的一群學員，有機會在螢光幕上表現自己才華，家燕姐更對其中一位學員前天堂鳥隊員Gordan（葉泓聲）扮羅志祥十分欣賞，思捷也讚Gordan一向跳舞好出色。
李思捷接受新城「開心大派對」主持薛家燕、范振鋒、思敏直播訪問。
家燕姐大讚思捷是喜劇中難得的人才。
李思捷在訪問中表示《福祿壽訓練學院》參賽者有藝人，也有不少素人參加，坦言比賽初期，藝人有演戲經驗比較着數，不過他相信只要素人上多幾次舞台，潛質就會發揮出來，他希望《福》節目能夠好似《中年好聲音》搞得一樣出色，也不介意與學員們合作做併盤，希望為觀眾帶來更多開心喜劇及表演。
李思捷希望《福祿壽訓練學院》節目能夠好似《中年好聲音》搞得一樣出色。
思捷與三位主持人傾到雞啄唔斷。
李思捷感謝有幸參與《歡樂今宵》
家燕姐指思捷是喜劇中難得的人才，唱得、講得、扮得又有幽默感，尤其扮鄭少秋及四大天王相當神似，思捷公開扮嘢秘訣：「小貼士，演出時唔好望鏡頭，如果望鏡頭的話，就會不停提自己注意好多嘢，唔望鏡頭才可以集中精神諗著扮演的人。」他並透露盧海鵬曾教他扮嘢誇大10倍就可以。
在節目中李思捷談到當年好幸運能參與最後一季《歡樂今宵》(EYT)演出，當時有幸參與的新人還有黃宗澤，他感謝當年「EYT」給他機會：「所有拍檔都是勁人，學到好多嘢，之後TVB更安排做台慶司儀…….」正當家燕姐及阿范忍不住插咀大讚之際，思捷馬上補充：「但係有12位司儀，我的對白只得兩句，哈哈！當時TVB揀我或崔建邦，最後揀咗我，崔建邦不太開心，我叫佢不用唔開心，之後公司再搵我單獨拍節目宣傳片。」家燕姐即好奇地哈哈大笑問他請咗邊位請食飯？思捷即笑答：「當時好窮，點會有錢請食飯，直至福祿壽騷才開始有錢。」
氣氛熱鬧！
詳細精彩內容，請重溫4月6日，下午2-4時，新城知訊台《開心大派對》節目 ，重溫網址：https://www.metroradio.com.hk/MetroInfo/
