*

其他文章
李家超稱根據內地資料台山核電站安全運作

睇好嘉欣攞視后賴慰玲拎女配 黎耀祥期待四奪視帝

各位加油!

拍劇34年嘅黎耀祥眼光獨到,去年喺台慶頒獎禮前夕接受《頭條日報》訪問時,貼中晒視帝馬國明及視后惠英紅,今年他憑《殺手》「閻武」再角逐視帝,問到第四次封帝成數時?祥仔笑說只有五五波,同《踩過界II》王浩信有得揮!取決係評審同觀眾口味,他拉票說:「我賣點係除衫同埋拍打戲,畀到小小驚喜觀眾囉!」

【頭條獨家】睇好嘉欣攞視后賴慰玲拎女配 黎耀祥期待四奪視帝

黎耀祥同賴慰玲拍新劇《拳王》外景,祥仔睇好賴慰玲拎女配,大讚她融入到角色。

【頭條獨家】睇好嘉欣攞視后賴慰玲拎女配 黎耀祥期待四奪視帝

祥仔同朱敏瀚拍外景,疫情下大家都注意個人衞生,工作以外保持距離。

黎耀祥同TVB只係合約演員關係,但落力程度同「親生仔」冇分別,最近為拍新劇《拳王》一場打擂台戲操到8塊腹肌,身形較《殺手》的鋼條身形更Fit。日前祥仔跟朱敏瀚及賴慰玲拍一場街景戲,原來賴慰玲好怕祥仔,形容成個行頭最驚係佢,感覺佢眼神可以睇穿一個人,賴慰玲笑說:「以前望住佢拍《財神駕到》驚到震,𠵱家叫做招架得住,不過,喺佢身上學會不斷求進步。」

- 閱讀更多 -

往下看更多文章