加油。
網上圖片
林子博太太董燕君（Shirley）於上年十月不敵癌病逝世。子博亦收拾心情重投工作作，然而他最近於社交網表示司儀工作臨時被飛起，不過他依然不會氣餒，堅信人間有情。
網上圖片
子博表示因疫情問題，所以最近接Job都不會收訂金：「疫症時期，其實大家都艱難。呢個時候仲有人願意搞活動真係好難得，搵我工作更不勝感激。 所以近年有時啲人搵我做MC，我都唔敢主動收取訂金！因為我怕到時因限聚令，人家搞唔成活動仲要蝕埋訂金俾我，我自己都會過意唔去！ 」
但是，該活動卻臨時換人，同時間子博更推掉同日的另一單Job：「一個月前本來有個活動Mark咗我今個星期六做MC，今日突然話當日唔需要我了，原因係～換咗人！ 其實最終搵到一個比我更適合嘅人選～我係OK的！只不過可惜嘅係～我因為誠信Hold咗個期俾呢個活動，而推掉同日嘅另一個工作。」
資料圖片
他繼續解不收訂金的原因，因為太太患病時眾籌得大家支持，令他相信人間充滿愛：「可能有人會覺得我點解唔收對方訂金呀？原因係我堅持非常時期係需要大家互相體諒的。尤其過去兩年自身嘅經歷，更令我相信及感受到人間係充滿愛。所以我會堅持大家係應該攜手～共渡時艱。願意搵我做嘢嘅，我都係會堅持唔收訂金，最緊要疫情盡快過去，大家活動搞得成，人人有工開先係最重要！」
資料圖片
不少網友留言替子博感到不值，紛紛認為即使在非常時期都要就算不收訂金亦要簽約，要好好保障自己。
