今個禮拜睇邊區？
資料圖片
新年伊始，本港疫情稍有放緩，代理反映，最近二手交投保持不俗，而股市接連上漲，亦帶動買賣投資氣氛，未來兩天屋苑預約睇樓量造好。
資料圖片
利嘉閣地產研究部主管陳海潮表示，根據研究部數據估算，全港50個指標屋苑共錄1,245組客戶於周末預約睇樓，按周上升5.5%，創6周新高。又指，隨疫情緩和，發展商展開推盤工作，樓市氣氛可望進一步上升，而二手在大型新盤推出前，表現料可穩中向好。
按地區劃分，全港三區指標屋苑的周末預約睇樓量全線向上，其中以新界區升幅較顯著，該區21個指標屋苑本周末暫錄560組客戶預約睇樓，按周大增7.7%。當中，今個月元朗區暫錄30宗二手買賣，雖較上月輕微減少，惟近日買家入市意欲轉趨積極，部分成交在只有少量議價下促成，整體氣氛不俗。
資料圖片
代理表示，現時業主心態「五五波」，故偶有減價平盤出現，預計隨疫情緩和及股市持續造好下，該區有機會提早出現「小陽春」情況。
資料圖片
至於，九龍區21個指標屋苑周末暫錄465組客戶預約睇樓，按周增加4.5%；港島區8個指標屋苑於周末暫錄220組客戶預約睇樓，按周增加2.3%。