出街買嘢食最怕被「加料」，近日有網民外賣米線回家，打開食到一半後竟發現裡面有煙頭，令她嬲到震，更表示已經「報咗食環」！
網上圖片
一名女網民在社交媒體Facebook群組「中伏飲食報料區」上載圖片，指自己近日在香港仔一間餐廳點了麻辣鮮魚片米線外賣，怎料回家食到一半的時候，竟在該碗米線中發現煙頭，自己亦已「咬左（咗）啖」。
網上圖片
樓主感到非常嘔心，於是立刻致電餐廳投訴及要求退錢，但餐廳竟劈頭一句表示「廚房冇人食煙」。她之後「越諗越嬲」，因此「報左（咗）食環」，她亦表示「下次唔會再幫襯」。
近日有網民外賣米線回家，打開食到一半後竟發現裡面有煙頭。「中伏飲食報料區」Facebook圖片
帖文引來大批網民討論，大部分都表示支持樓主向食環署舉報，有人則相當擔心樓主的健康，「如果佢有肺炎點算 即刻叫佢賠錢做身體檢查」、「口水好多傳染（物）架」、「退錢冇意思，麻煩樓主叫舖頭賠錢俾你，去檢測三次先」。
另外，亦有不少網民聲稱，該間餐廳的衞生質素原來一直欠佳，「上次我隻佬食咗佢個擔擔麵，痾咗幾次差啲脫水啊陰公」、「上次叫外賣 碟菜有小強」、「見過門口飽（包）點師傅食煙，不再幫襯！」
西多士是不少港人下午茶至愛，加返一杯奶茶，就是最佳的配搭！不過日前有一位女網民在尖沙咀茶檔叫了一份西多士，賣相差到嚇人，她大批似足一件「穿窿底衫」！
正方形西多士 離奇分為兩塊
網民日前在Facebook群組發文，指日前到尖沙咀海防道茶檔叫了一份西多士，只見她貼出的相片中，西多士被炸到變形，而且不是呈現經典的金黃色，疑似是炸的時間太耐而偏啡，而且最離譜的是，一個正方形的西多士，竟被離奇分為了兩塊，其中一塊面頭放上了一個快融的芝士塊。網友寫到「唔知係我孤陋寡聞定係見識少，西多士咁樣上碟」，更標籤了「海防道」及「穿窿底衫」兩行字。
示意圖。《愛回家》劇照
FB圖片
有網民即刻留言問「又係海防道黑街市？呢餐貴過食餐飯？」，事主回應是，而餐茶的價錢竟然是52元。
網友狠批：點解仲可以比客人食
網民見相中的西多士，都紛紛留言狠批「點解仲可以比客人食，現在飲食業已經咁困難，為咗一塊西多士而損失一個客人，值得嗎？」、「呢個換著係我衝入佢廚房，黐線，香港飲食業就係俾XX廚搞衰個朵。」、「真係仲好意思攞比客人食，真係佩服！」、「陳年老油又多油焦，片包仲要爛埋，真係當d客on X先會咁樣比人食」、「唔係見到咁唔退貨呀！」。
網友：斬件上冇收多你兩蚊，你賺咗啦
有網民覺得業界應該檢討下「求其到呢.....d業界無生意又賴呢樣賴果樣，就從未聽過講自己問題」、不過都有網民以搞笑理由安慰事主：「斬件上，冇收多你兩蚊，你賺咗啦」、「你當佢買大送細，心理上就覺得舒服好多了」及「買大送細」。
示意圖。《愛回家》劇照
