網民質疑這些執紙皮長者是否真的需要這些紙盒。
本港近日天氣急轉涼，不少流浪貓無家可歸要捱凍，但好在有好心人用紙皮搭建「禦寒箱」給貓貓取暖。
不過有網民就表示，見到一個執紙皮婆婆執走了貓貓的「禦寒箱」，令網民憤怒，「你哋凍會去着衫，浪浪係唔會㗎！」
西環變幻時FB
網民在「西環變幻時」Facebook專頁發文指，到石塘咀街市買東西，在保德街入口，見到一個婆婆執紙皮，執走了一個有圓圈的紙盒。
網民對婆婆說，這個盒應該是讓流浪貓禦寒，不應該拿走，「點知佢同我講佢唔知喎，我同佢講你要將佢放返原位，佢話唔放淨係話我知喺街尾攞嘅。」
西環變幻時FB
網民只好自己拿走紙盒放回去，並用筆在盒上寫上「請勿取走」，「佢點會唔知呀，佢識得將盒裏面嘅毛巾同埋人哋嵌着個盒嘅布都抽咗出嚟！仲要人哋上邊貼好晒字同貓貓圖案」。
西環變幻時FB
網民質疑這些執紙皮長者，是否真的需要這一個紙盒，「你哋凍會去着衫，浪浪係唔會㗎！執埋執埋嗰一個幾毫麵包都買唔到一個啦！係咪真係咁慘啊......浪浪邊個可憐啊？平日你哋摷啲垃圾桶搞到周圍污糟邋遢都算，今次你搞到浪浪個兜我真係同你死過 。」
執紙皮婆婆執走流浪貓「禦寒箱」。西環變幻時FB
帖文引起熱議，不少人留言指「好明顯係故意，擔心佢又再攞走」、「很多老人家都好自私兼沒同情心，但又要人敬老，太討厭」、「人哋屋企都要搶走」，亦有人感謝善心人幫助流浪貓，「多謝你見義勇為」，有人就提醒「不過個御寒箱一定要有兩個出口同唔可以咁張揚，有咩危險貓貓可以逃生」。
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
