薛家燕上年失６個登台兼廿個商演　最後收支尚有盈餘

家燕姐寄語大家不要灰心。

家燕姐重視家庭凝聚力量，今年最想新抱同大女有喜事宣佈。

2020年，全球受疫情影響，唔少人因失業面對嚴重經濟問題，薛家燕去年失去6個大型海外登台及20個商演，但收支仍有盈餘，去年尾仲有幾個廣告作最後「衝刺」，實在非常幸運，她寄語：「人生會有高高低低，有過去艱難體驗，先有成功將來，大家唔好灰心失望。」

家燕姐參觀在港一間靈芝場，了解靈芝生產過程。

去年尾家燕姐一口氣拍咗幾個廣告，其中一個大馬禮物包廣告，係越洋視像監控拍攝。

薛家燕之前參觀靈芝場，了解更多相關資訊先接拍廣告，她說：「疫情下增強免疫力最重要，李居明話我今年會紅鸞星動，我幾十歲點會再嫁？不如期待新抱（陳素怡）有喜，同埋大女珊珊(石祐珊)出嫁好過啦。」去年家燕姐除收入大減外，仲同男友分隔兩地接近一年：「以為聖誕節可以相聚都唔得，好彩透過視像可以日日見面，不過男友都擔心感情會生變，我就承諾唔會，因為我唔係亂嚟嘅人，叫佢可以放心。」

最近一次商場活動經已係去年九月嘅事。

家燕姐曾帶Cloud走埠登台，所以對佢印象好深。

雲姨(後右1)同韓國女團成員CLC莊錠欣(後右2)當年仍是Honey Bees組員。

《全民造星III》十強嘅Cloud(雲浩影)最後得第四名。

每周錄影兩晚《流行經典50年》成為家燕姐疫市下收入來源！

一向好正面的家燕姐亦有留意極受歡迎的ViuTV節目《全民造星III》，「好似十強嘅Cloud(雲浩影)曾經係我哋少女組合Honey Bees成員，我為佢驕傲，都有傳訊息去鼓勵佢加油。」創辦「家燕媽媽藝術中心」的家燕姐提到少女時嘅Cloud曾多次跟她走埠演出，所以家燕姐對她印象甚深：「佢唔止聲靚，仲跳得好，最重要表現夠淡定，有呢啲舞台經驗，對佢日後發展好有幫助。」

李思捷接受新城「開心大派對」訪問公開扮嘢小貼士。

李思捷今日（4月6日）接受新城「開心大派對」主持薛家燕、范振鋒、思敏直播訪問，家燕姐讚李思捷有份主持的TVB新節目《福祿壽訓練學院》令到對演藝好有熱誠，但沒有機會表演的一群學員，有機會在螢光幕上表現自己才華，家燕姐更對其中一位學員前天堂鳥隊員Gordan（葉泓聲）扮羅志祥十分欣賞，思捷也讚Gordan一向跳舞好出色。

李思捷接受新城「開心大派對」主持薛家燕、范振鋒、思敏直播訪問。

家燕姐大讚思捷是喜劇中難得的人才。

李思捷在訪問中表示《福祿壽訓練學院》參賽者有藝人，也有不少素人參加，坦言比賽初期，藝人有演戲經驗比較着數，不過他相信只要素人上多幾次舞台，潛質就會發揮出來，他希望《福》節目能夠好似《中年好聲音》搞得一樣出色，也不介意與學員們合作做併盤，希望為觀眾帶來更多開心喜劇及表演。

李思捷希望《福祿壽訓練學院》節目能夠好似《中年好聲音》搞得一樣出色。

思捷與三位主持人傾到雞啄唔斷。

李思捷感謝有幸參與《歡樂今宵》
家燕姐指思捷是喜劇中難得的人才，唱得、講得、扮得又有幽默感，尤其扮鄭少秋及四大天王相當神似，思捷公開扮嘢秘訣：「小貼士，演出時唔好望鏡頭，如果望鏡頭的話，就會不停提自己注意好多嘢，唔望鏡頭才可以集中精神諗著扮演的人。」他並透露盧海鵬曾教他扮嘢誇大10倍就可以。

在節目中李思捷談到當年好幸運能參與最後一季《歡樂今宵》(EYT)演出，當時有幸參與的新人還有黃宗澤，他感謝當年「EYT」給他機會：「所有拍檔都是勁人，學到好多嘢，之後TVB更安排做台慶司儀…….」正當家燕姐及阿范忍不住插咀大讚之際，思捷馬上補充：「但係有12位司儀，我的對白只得兩句，哈哈！當時TVB揀我或崔建邦，最後揀咗我，崔建邦不太開心，我叫佢不用唔開心，之後公司再搵我單獨拍節目宣傳片。」家燕姐即好奇地哈哈大笑問他請咗邊位請食飯？思捷即笑答：「當時好窮，點會有錢請食飯，直至福祿壽騷才開始有錢。」

氣氛熱鬧！

詳細精彩內容，請重溫4月6日，下午2-4時，新城知訊台《開心大派對》節目 ，重溫網址：https://www.metroradio.com.hk/MetroInfo/