地磚都凍到縮埋一嚿~
近日天氣寒冷又乾燥,不止人想縮埋一嚿,連地磚亦一樣!近日有人發現大廈走廊的地磚,竟然裂開及拱起,令網民相當驚訝。
本港持續天氣寒冷。資料圖片
有網民近日在社交媒體Facebook群組「馬鞍山之友 1.0」上載圖片,指自己當晚在家食食下飯,突然聽到大廈走廊傳出「霹靂啪喇」的聲響。
資料圖片
好奇心驅使下,他便出門看個究竟,發現走廊上有不少地磚,因石屎冷縮熱脹的關係,竟「凍」到裂開及拱起,更有幾塊已經移位。樓主不禁在帖文中祝福群內網民「今晚真係好凍,馬友保重!」
資料圖片
網民看完帖文都如見奇觀,更有網民分享自己所住的地方亦有類似情況,「我屋企都係咁...有十塊大磚凸起左...」,更表示「如果齋睇相以為是地震震爛啲磚」,相當誇張。
近日有人發現大廈走廊的地磚,竟然裂開及拱起,令網民相當驚訝。網民Chiuchun Leung圖片
食客叫連鎖快餐店外賣驚見「超薄切豬扒」、「紙咁薄西多」,引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文,表示日前到某連鎖快餐店買外賣,當打開外賣後盒,驚見其中的吉列豬扒超級薄,更揶揄「薄切吉列豬扒,真係好功夫」。從照片中可見,這塊吉列豬扒真的非常薄身,外層的炸粉比肉更厚,十分誇張。
有食客光顧連鎖快餐店買外賣,驚見「超薄切吉列豬扒」。(FB圖片)
引網民揶揄「燈影豬扒」
照片一出,不少網民批評快餐店離譜「偷工減料好嚴重」、「加價好過降低食物品質,做臭自己個招牌」、「根本用肉片,佢都好意思俾人食」;網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉!」、「爭少少薄過A4紙」。
有網民留言表示亦曾經中伏。(FB圖片)
又係連鎖快餐店出事,食客堂食「西多紙」
其後,又有另一食客於同一Facebook群組分享類似中伏經歷,表示日前到某連鎖快餐堂食,點了雞髀拼西多士,豈料西多士竟然薄如蟬翼,他立刻拿出身上的拉尺一度,件西多竟不足0.5厘米厚,從照片看,根本看不出來是一件西多,樓主苦笑言「好食,皮薄餡靚,大推」。
有另一食客遇上「西多紙」。(FB圖片)
網民笑「人情薄⋯西多仲薄」
帖文同樣引熱議,有網民搞笑表示「西多紙」、「而家牛角包都興壓扁黎食,可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮?」、「可能係春卷皮」、「又有納米吉列豬扒又有納米西多,香港真係飲食天堂」、「人情紙咁薄已經過時,而家興用吉豬或者西多」。
網民分享「超薄叉燒」。(FB圖片)
有人分享「超薄紅腸」。(FB圖片)
帖文來源:Facebook群組「香港茶餐廳及美食關注組」