社會事
聚集場面勁誇張！街坊大呻野鴿聚集引來衛生問題，更影響日常生活。
愛護動物也要用對方法，有將軍澳街坊近日就分享影片，指坑口港鐵站見到大批野鴿聚集，疑是正在食地上的食物，呼籲大家不要再亂餵野鴿，擔心傳播細菌。
將軍澳主場FB
網民在Facebook群組「將軍澳主場」上載短片，可見坑口港鐵站外有大批野鴿聚集，瘋搶地上的食物，呼籲「將軍澳街坊唔好再餵野鴿啦」。
將軍澳主場FB
不少人都留言大呻野鴿聚集引來衛生問題，更會影響日常生活，「除咗要清理窗邊留低啲白鴿屎，連啲窗及掛出去窗口啲衫都中晒」、「啲人都冇常識，攪到周圍都係白鴿屎，周圍都係細菌」、「外國有人稱這些城市野鴿為有翅膀的飛天老鼠，嚴重影響社區環境衛生」、「要控制數量」、「講極都係咁，咁大愛就帶哂返屋企養啦」。
將軍澳主場FB
影片截圖
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
