錢財事
盈富基金經理人道富環球轉軚，恢復對美國制裁股份投資。
美禁投資多間中企 盈富基金早前稱不再對相關企業作新投資(資料圖片)
盈富基金(02800)在港交所發公告稱，自1月14日開始，恢復對屬於恒生指數成份股公司的受制裁實體(定義如下)進行投資。
資料圖片
公告稱，如招股說明書所披露，盈富基金的投資目標是提供緊貼恒生指數表現之投資回報。為達到該投資目標，經理人會把盈富基金之全部或絕大部份資產投資於恒生指數成份股公司的股份，比重大致上與該等股份佔恒生指數之比重相同。
資料圖片
盈富基金表示，受行政命令的影響，盈富基金將不再適合美國人士進行投資。
涉及的股份包括中移動(00941)及聯通(00762)，受制裁的公司還有中芯(00981)及中電信(00728)，但這兩家非恒指成份股。
AP圖片
據悉財政司司長辦公室對道富不再投資受制裁公司感到關注，並考慮更換基金管理人，市場普遍認為，道富不再買入相關股份，將令盈富表現偏離恆指。
4月18日，大致多雲，短暫時間有陽光，間中有幾陣驟雨，早段局部地區有薄霧，日間天氣炎熱。隔晚美國銀行股繼續公布業績，不過道富銀行業績強差人意，拖累股價一度急跌17%，其他銀行股亦走弱，美股早段亦見下跌。不過午後低位有買盤吸納，三大指數轉跌為升。道指升100點，標指跟納指分別升13點及34點。標指升穿4100阻力位後，目前在此水平整固，不過4200至4300阻力較大，要待更好消息方有機會向上挑戰。
銀行股經過3月嘅擠提風波，存款藜 個大轉移，大型銀行存款增加，中小型銀行存款流失，中小銀行要增取存款回歸，定必加存款利率先有吸引力，是固中小型銀行息差壓力或上升，中小型銀行業績，或待下一季方能見真章，目前銀行股都係買大唔買細。不過市場對銀行危機憂慮減退，目前亦未見再有SVB事件再出現。
另一個影響美股走勢嘅因素係美元強弱，喺去年10月美匯指數升至115後轉向，美股亦同步展開反彈浪，至2月份美匯指數未有進一步突破100心理關口反彈至105水平，美股再度轉向。暫時美匯指數似喺100至103之間徘徊，美股表現亦較反覆。美股目前係高位整固，每當美股見回吐，即見資金入場，美股係逢低有資金吸納，情況好過港股多多聲。
至於港股缺水問題持續，噚日恒指曾升至20800水平，原因係夏寶龍訪港，一句港股繼繼續炒，加上周二到訪港交所，中資積極入場。另一方面，積金局或調整供款上限，即係局你供多啲強積金，帶動盈富基金(02800)罕見地成為最大成交額股份。港股已企穩多條移動平均線，理論上係繼續向高位進發，只係現水平再入場追貨，上面有幾多空間畀你走位係一個問題。外資一直減持股份，即使港股喺二萬水平，估值唔算貴，外資一樣照沽可也，而較早前恒指跌至19000水平，亦未見大量資金流入趁低吸納，莫非到接近21000先嚟追貨，斷估外資唔會咁好死。
尋日大市成交額略增至1365億元，較近日平均數1100-1200億元稍為增加，但去年3月港股低位回升，成交額係增至2000億元以上，去年11月上升，成交額亦達1700億元，但目前成交額長期徘徊1300億元以下，反映一直未見新資金流入。尤其外資連返減持套現，噚日卒之到阿里(09988)亦忍唔住大手沽商湯(00020)。而噚日安踏(02020)亦宣布折讓8.8%配股集資；藥明康德(02359)亦計劃減持A股，欲套現70億元。凡此種種畀人嘅感覺就係股份一炒高，就有人趁機減持或抽水，咁嘅情況邊個傻仔肯同你買貨坐定定，韭菜被割得多都會覺醒，資金唔願入場，港股呢即使由19800點升上嚟，都係無成交配合嘅乾升，呢啲升勢可以有幾持久，大家心中應有數。
