Alex指外公比較嘴刁，獲得他讚賞特別有滿足感。
林德信（Alex）昨日（13日）出席ViuTV新劇《太平紋身店》宣傳活動，透露自己在劇中飾演廚師，更獲劇組特別安排專業廚師培訓，他笑言今次拍劇之餘，順道可以進修廚藝，其中一個受益友原來是他外公。
林德信指外公試過他的手藝後大讚好味。
Alex坦言經常被罵拿刀的手勢不正確，但拍攝過程亦很開心，自己也樂在其中。他表示有將戲中學到的廚技學以致用，烹調「慢煮梅菜三文魚」給外公品嚐。外公吃過後大讚好味，Alex指外公比較嘴刁，獲得他讚賞，特別有滿足感。
林德信在ViuTV新劇《太平紋身店》飾演廚師。
問到Alex可有煮給爸爸林子祥食？Alex笑言:「未有機會呢！因為爸爸更加......（奄尖？）嗱！你們說的，不是我說。反而女友有食過，她也讚特別。」
林德信經常在IG分享與公公的合照，可見他們的感情非常好。
Alex直言自己除了煮這個菜外，就只會煎牛扒，所以情人節打算「循環再用」，為女友再整「慢煮梅菜三文魚」慶祝，笑指夠哂環保。
林德信拍新劇時獲培訓跟專業廚師學藝，其後更學以致用為公公下廚。
林德信透露見到哥哥同妹妹生完小朋友好似好開心、好Sweet，所以都想生BB。
林德信（Alex）與孫曉賢（Kendy）日前出席酒吧騷「Singleton Sip or Speak」，二人一早到場綵排，仲彈結他Jam歌，好快全場氣氛高漲大合唱！Alex就話二人同年出道，當年更同屬一間唱片公司，笑言呢次音樂演出似「重聚」，「其實我同Kendy都鍾意飲嘅，所以次次見面都會飲翻杯，有一次酒吧撞到佢，諗住飲杯聚吓就算，點知突然落大雨走唔到，睇嚟都似個天要我地聚多一陣。」
林德信與孫曉賢日前一同出席酒吧騷。
剛剛完成婚禮的Alex剛渡蜜月回港，佢就話呢次唔算「Honey Moon」，因為全家都參與其中，忙於打點無閒「造人」：「好多年都冇成家人去旅行，呢啲機會要好好享受吓，哥哥同妹妹幾年冇見面，連姨甥都係第一次見面咋！見佢地生完小朋友好似好開心、好Sweet想生BB，長輩都冇催我吧，生仔生女都冇咩所謂。」
林德信完成婚禮兼渡蜜月回港。
Alex指今次渡蜜月，全家都參與其中，所以無閒「造人」。
直言想生BB，生仔生女都冇所謂。
Alex就話希望來年想搞個人騷，Kendy反建議對方搞音樂節，將音樂、瑜珈、茶道大結合，Alex即席邀對方參與：「『造人』、『搞騷』唔怕一齊嚟嘅，呢啲係自己嘅挑戰，可以同步進行，可能半夜返去幫手餵奶，之後朝早再出去唱歌。」
Alex又希望來年想搞個人騷。
Kendy就建議對方搞音樂節，將音樂、瑜珈、茶道大結合。
雖然蜜月與親友同行，Kendy亦有參加，笑言Alex朋友「夠搞笑」，「佢有個法國朋友，突然用廣東話唱『少林功夫好』，真係全場都好surprise。（合眼緣叫Alex介紹？）人地有家室喇，唔好搞呢啲嘢。佢嘅Wedding真係好正，我聽到佢話想要小朋友都幾Surprise，我突然覺得佢有外父相。」
原來Kendy亦有參加Alex的蜜月之行。
而Kendy剛從日本回港，完成當地兩場音樂會，「見到有好多香港人專程嚟聽，佢地好掛住廣東歌。我都寫咗篇日文嘅謝詞，以為會好緊張，點知講講吓都喊晒。今次見到當地好多美男子，不過就冇艷遇，希望下次去再開騷時，帶埋艷遇返香港就幸福啦！」
Kendy剛在日本完成兩場音樂會。
Kendy笑指今次冇艷遇，並希望下次去再開騷時，能帶艷遇返香港。
