上司質問職員為何不OT 網民駁：起份返9放11嘅合約畀我

事主奉勸仍然每日加班的市民要小心身體，「有病起上嚟，賺幾多都會回吐返出嚟，分分鐘仲嘔凸」。

有網民認同，「我都係咁諗，咁同上司講，保護我嘅底線，準時返準時返，6點後係我私人時間，點解要OT，就如你去揼骨，講明45分鐘就完，你試下同人講，我幫襯你，你不如送多個幾鐘畀我，你睇下人地啋唔啋你」

加班工作問題困擾不少上班族。日劇《我要準時下班》截圖

有網民留言指，「我最癲試過，公司爆鑊兼趕Deadline，搞到半夜兩點先收工。第二朝準時返到去，仲要被上司吋『work hard』不如『work smart』，之後日日準時收工由佢了。」有網民稱，「做過某大公司啲Admin, 有日放工前收到阿頭通知話:你哋放工準時走呢就唔係咁好睇! 希望大家可以6點後留底坐下， 碎下紙呀，傾下嘢咁，總之唔好準時走！希望一星期有4、5日係咁，每日嗰零鐘最理想喇! ...然後聽完我就收工，跟住成team人冇人彩佢，繼續準時收工」。

不過也有網民是被公司阻止加班，「OT既工係俾無能力而要賣時間嘅人做。我話你知俾你OT係恩賜嚟，我做過幾份工係唔畀人OT，六點鐘就鎖門，唔可以帶電腦走，但係就照睇performance。」

網民稱大病一場過後學會身體健康重要。日劇《我要準時下班》截圖