上司質問職員為何不OT 網民駁：起份返9放11嘅合約畀我

社會事

上司質問職員為何不OT 網民駁：起份返9放11嘅合約畀我

2021年01月14日 16:27 最後更新：16:28

香港人最鍾意返工？有網民發文透露，上司近日質問為何不超時工作又指部門主管都未走，網民於是反叫上司另起一份朝9晚11的合約，事主再考慮簽不簽，迎來網民讚好敢堅持己見。

網民在facebook專頁「奴工處」指，「有日上司同我講點解唔OT做埋啲野，而且部門大姐未走，你點解早走過佢。」事主於是反駁上司，「工作係做唔完，我係要求嘅日期前畀到你要嘅嘢就得，另外如果你咁介意我返9放6，咁唔該你同人事部講，起份返9放11嘅合約畀我，再睇下我到時簽唔簽。」

上司自此之後不敢再要求事主加班。事主自言，之前都好像普通市民一樣，日日加班到10、11，有開工無收工，「結果一場大病，死過返生，就明白人死咗咩都冇。」

事主奉勸仍然每日加班的市民要小心身體，「有病起上嚟，賺幾多都會回吐返出嚟，分分鐘仲嘔凸」。

有網民認同，「我都係咁諗，咁同上司講，保護我嘅底線，準時返準時返，6點後係我私人時間，點解要OT，就如你去揼骨，講明45分鐘就完，你試下同人講，我幫襯你，你不如送多個幾鐘畀我，你睇下人地啋唔啋你」

有網民留言指，「我最癲試過，公司爆鑊兼趕Deadline，搞到半夜兩點先收工。第二朝準時返到去，仲要被上司吋『work hard』不如『work smart』，之後日日準時收工由佢了。」有網民稱，「做過某大公司啲Admin, 有日放工前收到阿頭通知話:你哋放工準時走呢就唔係咁好睇! 希望大家可以6點後留底坐下，碎下紙呀，傾下嘢咁，總之唔好準時走！希望一星期有4、5日係咁，每日嗰零鐘最理想喇! ...然後聽完我就收工，跟住成team人冇人彩佢，繼續準時收工」。

不過也有網民是被公司阻止加班，「OT既工係俾無能力而要賣時間嘅人做。我話你知俾你OT係恩賜嚟，我做過幾份工係唔畀人OT，六點鐘就鎖門，唔可以帶電腦走，但係就照睇performance。」

往下看更多文章

快餐店逆市出奇招推「薄切豬扒及西多」引網民紛紛曬「超薄系列餐點」

2024年04月24日 12:30 最後更新：13:06

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。