難頂的「西客」處處有！
最近有網友在網上發文指，自己準備賣樓，有潛在買家上來睇樓，竟做出許多無品的行為，包括將屋內所有的水喉全都打開試水，又未經屋主同意，擅自打開櫃門，令樓主好嬲大嘆無奈。
Getty示意圖片
日前，有網友在香港討論區地產板塊以「遇到西客嚟睇樓」為題發文，指一名潛在買家已經來看過幾次，現在想議價，今次更帶了自己的家姐一齊睇。沒料到這位家姐十分無品，在屋主與他人傾談的時候，竟自己走去將全屋的水龍頭全都打開，接著又在沒有洗手的情況下將櫃門、窗、門全部逐一打開。
Getty示意圖片
除了做出這些荒謬的行為之外，這位家姐更不斷批評單位，包括「話我新界地契沒有港島99年」、「剛做完大維修，佢話20多年後又要比多一畢」、「話屋無好似公屋伸出去欄杵掠衫」等等！令樓主大呻「無心買就唔好嚟將我屋企翻轉咁滯」，並讓家人不要再讓她上來睇，之後還用了一整個下午消毒房子。
Getty示意圖片
樓主直指：「雖然多人看多個機會，合價則來不合則去，但佢行為真係好惡頂！」認為該買家是為了壓價才做出以上惡劣行為和評論「D人真係以為狂彈狂踩人地間屋就會成功。」
Getty示意圖片
帖文吸引網友熱議，大多數人都覺得誇張，認為這種做法連對人的基本尊重都沒有，不過亦有人指買樓是人生大事，檢查清楚並無不可。
樓主之後又更新後續，「打聽到佢睇其他盤時，個無家教家姐都一樣咁攪事，最後無一位業主肯減比佢，佢地應該揀左間樓層、同座同裝修差少少，但出價低D既盤。」