放低枷鎖再起步 41歲崔建邦《諸朋好友》同老友真情對話

《諸朋好友》訪問嘉賓老友，令崔建邦重新學會做人。

崔建邦（Amigo）去年被力邀回巢，第三度返入TVB，今次更有份策劃製作節目《諸朋好友》，更有機會同張秀文角逐《萬千星輝頒獎典禮2020》的「最佳節目主持」，最終輸咗畀周柏豪及袁偉豪主持的《兩個小生去Camping》。對被指回TVB係收復失地，他帶笑謙稱：「都未有個地，點算叫收復？不過，做到一個節目令觀眾睇得開心，係開心嘅。」

41歲崔建邦坦言啱啱先學識做一個真正嘅主持人及男朋友。

崔建邦曾經被捧為TVB金牌司儀，可惜2009年因襲擊當時女友鄺敏慧形象受損被無綫解約，2011年崔建邦自薦重返TVB並由助理編導做起，之後離巢發展，直至去年重返主持《諸朋好友》，跟嘉賓好友宣萱、歐陽震華、黃日華、苗僑偉、林國斌及方中信等真情對話，口碑唔錯。

2011年崔建邦自薦重返TVB並由助理編導做起。

用一年時間上擂台嘅打拳節目《我的志願》對他影響最大，令他重新面對自己。

重投主持工作初期過唔到心理關口，自覺當日主持《深宵美食團》做得唔夠好。

透過節目，Amigo坦言喺嘉賓身上學到嘢：「好似喺姜皓文身上，學會點去堅持，其實好難；華哥、三哥身上學會兄弟間嘅照顧，對另一半專一，係令我好嚮往；宣萱、歐陽震華間嘅默契令我好恨有個咁好嘅拍檔！希望之後都可以訪問到側田、張敬軒等。」

華哥、三哥嘅兄弟情令崔建邦好羨慕。

宣萱、歐陽震華呢對組合令他體會到，好拍檔所產生嘅火花真係冇得頂。

- 閱讀更多 -

Amigo透露有11年時間過得好驚濤駭浪，「由有事發生到做PA，直至返出嚟做主持，初期過唔到心理關口，好似帶罪之身，好多枷鎖，坦白係做得唔好，依家做自己想做嘅節目，事業同感情叫啱啱起步，真真正正學識做主持同埋做一個男朋友。」問到有冇說話同舊愛講？他笑言，「咁又冇，其實我以前每一份感情都好認真，人生就係咁，尋尋覓覓嘛。」

當年崔建邦令「最佳女朋友」唐詩詠死心塌地，就算男友事業喺谷底都力撐。

崔建邦現任女友Jessica，唔止樣靚仲喺直資中學做英文主任。

往下看更多文章