香港人其實好有愛心,Kelly睇到有網民喺facebook群組放咗張相,見到幾位好心人好落力幫一位殘障人士,就係推輪椅上斜路,咁有心有力的愛心行為,絕對抵讚。
  有網民喺「單車靚景團」facebook群組發文指,目睹一位坐電動輪椅嘅伯伯,因輪椅無電未能上斜路,有四名好心人合力推伯伯上去,包括兩個踩單車嘅年輕人,「後生仔唔踩單車,幫手拉電動輪椅」,由於電動輪椅都幾重,網民都讚佢哋幾個要好出力推,一啲都唔容易。
  大批網民留言讚係好人好事,「香港年輕人個個都有善心一面」,尤其着住對單車鞋都落地幫手係咁行,真係好有心,唔怕整壞對鞋。
Kelly Chu