他希望的是創造出有自己色彩的歌。
許廷鏗（Alfred）受訪電台節目《舊日的足跡》，被問到2017年離開無綫被「封殺」可有後悔？Alfred說：「有！最近都有動搖，甚至影響信心。當時我考慮咗半年，因為有一件事一個關口嘅出現，我同一個同事發生咗一啲磨擦，牽涉到金錢問題，如果要合作信賴，我必須坦白講出嚟，高層後期先知道呢件事，但當時冇好好處理。其實我同舊公司係握手言和分道揚鑣嘅，今次係我第一次咁細緻去講離開公司嘅原因，並非想說明自己受咗委屈，其實我對所有幫助過我嘅人冇任何仇怨同不滿，反而多謝佢哋多年來對我有陣時唔成熟嘅包容！」對有不少人覺得他這決定任性，他希望的是創造出有自己色彩的歌。
網上圖片
許廷鏗受訪電台節目第一次爆離開無綫原因。
Alfred跟鄭欣宜以兄妹相稱。
Alfred跟鄭欣宜以兄妹相稱，欣宜大讚他零死角，他亦大讚欣宜是心目中女神。最近有人提起欣宜35歲便可繼承母親沈殿霞巨額遺產，問到許廷鏗可會請教對方理財之道？他表示做朋友不會講錢，說：「其實佢冇大家想像中咁揮霍，大家平日見到佢咁艷麗係錯覺嚟㗎！佢比我更加貼地，可能會因為一碗30蚊嘅水餃而開心。」
許廷鏗自《超級巨聲》出身，在無綫一直受捧，但他為創造出有自己色彩的歌離巢。
另外，Alfred又剖白與前度關係，他曾盼望前女友能現身欣賞其第一次的紅館個唱，結果不負所望。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
