行山客拾手機原物歸還失主盼請食飯答謝

社會事

行山客拾手機原物歸還失主盼請食飯答謝

2021年01月17日 15:05 最後更新：18:27

好心好報。

過去一年不少市民郊外遠足，有網民不慎遺留手機，幸好有其他行山人士拾獲歸還。

Facebook群組「香港行山遠足之友(吹水山谷)」有網民發文，稱他於行鬼手線途中，在位置偏僻的鳳凰笏不慎跌了手機，幸好獲一名熱心行山人士路不拾遺，該熱心人更在網上行山群組發文尋找失主，並原地等待機主折返。

事後失主發文感謝：「多謝師兄無私幫忙，路不拾遺！實在萬分感激！」，又稱因身上只有少量現金及八達通，以備搭車，未能當場報答，又誠邀對方食飯答謝，順便可以交流行山心得。

往下看更多文章

灣仔餐廳「為DSE學生打氣」免費開放做自修室更贈飲品甜品獲讚

2024年04月20日 11:30

灣仔有餐廳免費開放店面給DSE學生作自修室溫書，更送贈飲品及甜品。網民感動表示：好有愛！

灣仔餐廳下午茶時段免費開放，予DSE考生作自修室溫

該灣仔餐廳於其Facebook專頁發文，表示要為考試而努力準備的學生們打氣，宣布在下午茶時段免費開放餐廳，供考生們作自修室之用。餐廳指下午時段餐廳較為安靜，而且場地寬敞，非常適合考生溫書。

「如果搵唔到地方溫書，上嚟我哋餐廳，橫掂呢個時段我哋係冇用嘅，唔好嘥咗佢，介紹返，我哋地方好大，只係想陪你一齊考試！」

餐廳提供免費飲品及甜品

此外，只要出示學生證，學生即可享一杯免費飲品及一份甜品「只要你出示學生證上嚟溫書，(唔一定只喺應屆考生），不論咩年紀，總之你係學生，真心支持你你同你，所有嘢都免費⋯ 」餐廳更窩心表示「唔使擔心呢個係廣告⋯盡用啦，唔使擔心，上嚟溫書，上嚟做project，想陪你一齊渡過呢一關」。

網民大讚：「好有愛！」

網民得知這個消息後，紛紛大讚餐廳暖心之舉「好有愛，謝謝」、「不得了，我見到好大嘅愛」、「一間咁有愛嘅餐廳，值得大大力幫襯支持，老闆好有愛」、「借地方已經好好，仲免費又飲又食」、「多謝你哋嘅善良同慷慨」、「好窩心，DSE 同學加油」、「多謝你哋~好有心！假期我會嚟幫襯！」、「多謝你們對學生的支持！有心已經好好，仲要咁貼心準備飲品同甜品！好窩心呀！Love」。