娛圈事
粉絲睇咗未？
《全民造星III》已完咗三個星期，但熱潮仲未減，ViuTV今次終於捉到鹿識脫角，拿拿臨推出新綜藝節目《囝囝女女730》硬撼無綫《東張西望》，除有《造星III》三甲趙祥誠（Ben）、陳葦璇與陳毅燊（ANSONBEAN）參與外，仲有好受歡迎嘅雲浩影（Cloud）、葉巧琳、黃劍文、陳澤言（CY）、張進翹（Manson）等，加上主持強尼、沈殷怡、岑日珈、MIRROR隊長Lokman、Frankie、Alton及Tiger。
《造星III》中Timo同ANSONBEAN都有合作環節。
得獎嘅ANSONBEAN多嘢做，十強止步嘅Timo（江宏基）亦唔弱，佢喺IG透露有好多計劃進行緊，講發展之餘亦好有心，同ANSONBEAN拍咗段街舞片送畀Fans過吓癮，兩位朋友仔跳得好好睇，連肥仔梁業都留言讚「不錯喲」。
兩人跳得好起勁。
粒豆表情好攪笑。
View this post on Instagram
ANSONBEAN以「打遊擊」的方式拍新歌dance version。
陳毅燊（ANSONBEAN）上周五（3月22日）推出新歌《IMPATIENT》，新歌內容主要是想借藝人追女仔的角度，帶出其實所有人都可以將一些包伏或規則放下，才能更加赤裸去面對大眾。昨晚（3月26日）Anson以「打遊擊」的方式為他的新作拍攝dance version，一晚內走遍銅鑼灣Sogo 、中環摩天輪、天星小輪與文化中心等地，將香港特色呈現。
ANSONBEAN在街頭拍攝《IMPATIENT》MV dance version。
跳得大汗踏細汗！
吸引不少豆粉與市民圍觀。
除外套騷肌引圍觀者歡呼！
ANSONBEAN樂與市民互動。
Anson先在銅鑼灣拍攝，吸引豆粉與數十市民圍觀，能夠看到Anson現場跳舞，跳得大汗踏細汗，除下外套時有人更驚呼大隻！Anson說：「今次喺鬧市取景，同大家一齊互動、一齊玩咁，大家睇得好開心，我都覺得好開心。」其實今次拍攝的概念源自Anson最近愛上自導自演功夫短片，他笑說：「目前為止拍咗7條，好多人問點解喺街拍，因為冇錢租場，哈哈！其實因為成日都即興，又想用最低成本做到最想做嘅嘢，大家又睇得開心，都好多人因為睇咗我嘅片，知道我喜歡武術。」他續說：「所以今次新歌dance version都用呢個模式，希望可以將香港唔同地方呈現喺裏面。」
勁有型！
大派福利。
ANSONBEAN表示：「今次喺鬧市取景，同大家一齊互動、一齊玩咁，大家睇得好開心，我都覺得好開心。」
