實至名歸。
昨晚(17日)舉行《2020年度勁歌金曲頒獎典禮》其中林家謙憑藉《一人之境》贏得「最佳原創歌曲金獎」以及「最佳唱作歌手金獎」。菊梓喬(Hana)及胡鴻鈞贏得「最受歡迎網絡女歌星」及「最受歡迎網絡男歌星」,兩人同時憑《我輸不起》及《凡人不懂愛》贏得「勁歌金曲獎」。
今年泳兒贏得新增「年度優秀歌星」獎項,兼憑藉《溝渠暢泳》奪得「勁歌金曲」,她特別感謝團隊:「2020年開始行呢個另類路線,佢哋畀咗好大支持我,用力支持同宣傳,打造呢條路。」
與此同時,周柏豪亦贏得「最佳演繹男歌星」,憑藉《劫後餘生》贏得「勁歌金曲獎」,而且他上年奪得「最受歡迎男歌星」 及「勁歌金曲金獎」,成為勁歌金曲大滿貫。他於得獎感言更特別感謝家人:「我非常愛你哋,只要你OK,我就OK!」更提到身邊有朋友離世:「本來有個朋友今晚會出現,但佢去咗另一個地方,希望佢一路安好。」
此外,譚嘉兒更首次贏得「最佳演繹女歌手」,當她得知自己贏獎時忍不住情緒激動爆喊,與坐在隔離的連詩雅握手,她喊住表示:「我真係好開心可以攞呢個獎,今年係我入行10年,頭幾年冇乜機會唱歌,多謝喺網上聽我唱Cover,當我喺迷網時帶我入星夢嘅Herman(何哲圖),幫我實現音樂夢想。」她又指上次贏獎忘記感謝家人深感後悔,她更感謝已離世的父親,指因為他而喜歡唱歌。
觀看相關影片按以上畫面。