Anson Lo話要同Edan面貼面，好難忍笑。
Anson Lo（盧瀚霆）和黃芷晴出席商場新年裝飾及情人節推廣活動。對於在《第43屆十大中文金曲頒獎禮》奪得新人金獎，今次反勝隊友Jer（柳應廷），Anson Lo表示感到驚訝，沒有所謂輸贏，大家都是新人，有獎是額外的鼓勵。談到周柏豪奪得「男歌手金獎」，令不少人戥姜濤不值。
Anson Lo稱疫情下拍劇，事前做了無數次檢測，所以很放心。
Anson Lo表示相信姜濤沒有想太多，反而希望大家關注他們，始終他們只是出道兩年多的新人，在唱歌、演戲方面做得未夠好。談到隊友Anson Kong未能獲獎，Anson Lo認為獎項對大家不是太重要，亦毋需安慰對方。談到未來目標，他說：「希望在跳唱歌手方面做出不同一面。」
Anson Lo話排戲時無真錫落去，只是面貼面好埋，已好難忍笑。
有份參與港版劇集《大叔的愛》，Anson Lo透露稍後為劇集開工，當中有大叔及小鮮肉做對手戲，他為演出該劇也看過多次原裝版劇集揣摩角色，「上星期開始排戲，覺得好尷尬，獻出好多螢幕的第一次。（初吻？）類似啦！（跟Edan（呂爵安）錫錫？）呢個唔回應，不過排戲時無真錫落去，只是面貼面好埋，又好難忍笑。呢個劇集跟原著好相似。（需要肉帛相見？）無呀！」他稱疫情下拍劇，事前做了無數次檢測，所以很放心。
黃德斌、Edan及Anson Lo將於本月底開拍港版《大叔的愛》。
Anson Lo不爆得劇情住，但指跟原著好相似。
MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。
《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」
Anson Lo推出新歌《深閨》。
觀看相關影片按連結：https://youtu.be/70vVZqVsqeg?si=9RD6my9ItvtgApW3
Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。
Anson Lo自言是住家男人。
如果鍾意一個人會好想24小時黐住對方。
對於Anson Lo來說，《深閨》所說的愛情觀與他本人很吻合。
為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」
Anson Lo揀選巴黎拍MV，全因這裡予人浪漫、Fashion又Cozy的感覺。
與《深閨》中的愛情同樣十分浪漫，又無拘無束。
被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」
雖然要巡演又要拍MV，會好，但Anson Lo坦言：「應付唔到都要應付。」
這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」
首次踏足巴黎的Anson Lo除了拍MV以外，亦有在當地遊覽。
