「家賊」難防
日防夜房家賊難防？有港媽在「親子王國討論區」發文求助，指家中屢失竊，最新一次涉款達7000元，但這位媽媽認為外傭無異樣，懷疑是有前科的子女為家賊。
這位網民發文，幾年來試過不下五次，「都是從放在屋企的銀包中消失。以前最多一千，這次七千。屋企有小朋友有工人，我直覺不是工人。點算好」。這位媽媽透露，子女年齡介乎9至16歲，家中沒有安裝監控閉路電視，形容「幫人買嘢人地俾返錢我，兩日功夫已經唔見。」她又指，外傭近日無異樣，而子女有前科，令她心裡不知如何是好。
網民最終揭發外傭盜竊。資料圖片
結果網民翌日更新，指外傭已經承認犯案，並已經報警，「佢今早擺低六千係我指定位置，其他人全部未起身，我問佢佢即刻認。但佢只肯認由我褲袋攞咗三千，仲話因為我唔見七千所以借錢還俾我六千，去到警署門口，佢先話佢願意認偷咗銀包入邊一千。我話你都係唔講真話，你同警察講。最終佢同警察講偷咗六千。」
GETTY圖片
其他網民意見不一，部分人認為應該報警懲治「如果小朋友之前真係有偷過， 呢次真係一個好好嘅機會比佢地睇到偷竊嘅後果。 如果你放過個工人， 小朋友睇到可能會令佢地存有僥倖嘅錯誤解讀。」、「我覺得應該要報警。 極大可能根本唔係第一次偷。 唔好心軟， 放過呢啲手腳唔乾淨嘅工人。」
Getty示意圖片
也有網民稱幸好沒有冤枉子女破壞家庭關係。
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
