老公月搵10萬只畀8000元家用 港媽呻難為

港媽坦言，丈夫為人很慳儉，以他的角度已經給了很多家用。但港媽仍然感到不開心，當她跟丈夫商量有關家用的事時，對方便會對她冷言冷語，令她甚感難受。「咁人多食嘢日用品又用多咗，加家用都好合理啫，同老公講多兩句又經常對我冷暴力。」港媽表示，每月8000元包煮三餐、細仔的奶粉、尿片、兩個孩子的衫褲鞋襪，以及家中日用品，剩餘的便是她的零用錢，然而每個月都沒有錢剩。

照顧一個四人家庭加上一個工人姐姐，每月幾錢家用才足夠？資料圖片

最後她在帖文內表示，自己已經「頂唔順」，因此已經跟丈夫攤牌，提出在細仔今年9月上學後，重新出來工作。「點解全職媽媽咁無地位，要睇人臉色做人，夫妻不是平等感覺好差，有無同路人可以分享下？」

不少網民都留言指8000太少，「剩係for3大2小嘅伙食？ 即每日$260，剩係伙食都唔夠喎」、「我是有兼職的媽媽，平日自己湊冇工人，家用13000，買餸/兩仔興趣班，其他雜費老公負責」、「樓主你嘅問題唔係幾錢先足夠！而係你位尊貴嘅老公根本食米唔知米貴！」