做人要有同理心！
從事服務業經常都要面對無理顧客，有商場職員就在「辦公室日報」Facebook專頁投稿，指有家長不見了小朋友，年輕女同事正幫忙處理，但有惡客不理解而「發爛渣」，狠鬧女同事「一世都只可以做呢啲商場工！」令女同事委屈落淚。
getty圖片
網民表示，自己和另一名年輕女同事在商場顧客服務櫃檯工作，正常情況應是足夠應付，但當日遇到一個顧客不見了銀包，女同事又要處理一名不見了小朋友的家長，忙得焦頭爛額，令排隊的人龍越來越長。
Getty設計圖片
終於解決了兩個大難題後，後面的客人就開始「畀面色我哋睇」，其中一個男客人更對女同事發火爆粗：「打份咁簡單嘅工都做唔掂，吸下停車場飛，人哋問路就答，呢啲嘢有幾難做呀？咁嘅XX工都做到手騰腳震，你點做大事？你一世都只可以做呢啲商場XX工，你讀咁多書咪嘥晒啲錢？有冇中五畢業呀你？」雖然後來有其他同事來到向顧客解釋情況，但這位男客人繼續鬧女同事：「你永遠做唔到大事㗎我同你講，我唔想理你頭先搞乜鬼，手腳慢就手腳慢，你份工大把時間咋，我等住你吸張停車場飛去見客㗎！遲咗你賠唔起！」
GETTY圖片
由於聲浪頗大，連路過的人都駐足圍觀。後來男客人終於走了，網民見到女同事默默流淚，但僅僅兩三秒，女同事已經即時抹走淚水，「下一個客行埋嚟，小妹妹又再次用友善態度接待，我見到佢雙眼通紅仍然保持專業態度，除咗佩服，就只能輕輕掃下佢背脊安慰，當中有幾唔開心同埋委屈，只有佢自己心裡最明白。」
女職員被顧客鬧到喊，但仍抹乾眼淚繼續工作。網圖
網民表示，年輕的女同事是單親家庭，媽媽手部勞損暫時無法上班，弟弟讀中學，而家女同事已經時候全家的經濟支柱，「佢有嘗試搵其他工，不過疫情兼年尾絕對唔容易，想跳出去唔係一時三刻嘅事......所以小妹妹同事幾委屈都要吞落肚。」網民呼籲多體諒別人，少些指指點點，因為每個人都有自己的難處同故事。