余詠珊等志偉回港傾大計 錢嘉樂：等佢吹雞

志偉的圈中好友都好期待他為TVB帶來的新景象。

無綫助理總經理（非戲劇製作）余詠珊早年與曾志偉傳出不和，對於曾志偉上任無綫副總經理一職，她說：「好開心呀！志偉不單係我師傅，依家係我上司，我哋有傾過未來點做，要等佢返香港坐低認真再傾。他在內地做咗好多嘢，人脈關係好好，有很多新發展帶畀公司是好事。」

王祖藍負責協助曾志偉在綜藝及資訊娛樂節目內容上的業務發展。

追問與志偉曾傳過不和？余詠珊輕鬆回答：「傳好耐，次次都話冇事，志偉是我師傅，無咁嘅事！」她強調自己不會辭職，目前志偉仍在內地，初步志偉表示農曆年後返港，但她希望志偉盡快回港詳談工作大計。

余詠珊話志偉是她師傅沒不和；嘉樂稱志偉回來做高層打了一支強心針。

錢嘉樂收到「獎門人」曾志偉入主無線擔任集團副總經理兼行政委員會特別顧問一職感到開心，他覺得這個時候需要有能力的人給歡樂給香港人，他已恭喜獎門人，志偉回覆大家要努力。他說：「佢吹雞大家一齊要幫手，依家等佢吹雞，咁多年睇到獎門人帶給大家好多歡樂，依家佢做到這個位置，可以再創作更多娛樂給大家，覺得是一件好事，可說是打了一支強心針，Very Good！」

汪明荃（阿姐）表示剛剛知道曾志偉擔任集團副總經理兼行政委員會特別顧問一職的消息，覺得是好事。她說：「他肯做，又咁多橋好適合，他是叻人好多鬼主意，清楚藝員的長處及短處，有好多嘢可以諗。（你有甚麼意見想同志偉講？）我好想聽吓佢有咩好野畀我地先。」另外，王祖藍獲委任為首席創意官，阿姐指祖藍也是創意多多，用人主要看公司的方向。

阿姐好想志偉告知他們好提。

崔建邦透過短訊回覆說：「梗係開心啦！對上一次同師父做show已經係幾年前嘅東華，我相信以後志偉哥一定會為我哋帶來好多既富娛樂性又有正能量嘅好節目畀大家！非常期待！」

曾志偉新抱王敏奕透過短訊回覆說：「好開心聽到呢個消息，非常期待嚟緊嘅新節目。」

新抱王敏奕期等以後的新節目。

阮兆祥回應：「一直以來獎門人和祖藍都是十分愛TVB，畢竟TVB是一直陪伴他們一同成長的家，我相信他們的回歸，會對綜藝和戲劇節目帶來很多新的想法，我相信因為他們的身高，矮仔一定多計，他們的創意必會帶來更多火花，作為觀眾來講是一個非常好的消息。」

阮兆祥指志偉和王祖藍矮仔一定多計。

歷代「獎老」Reunion ！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，本周四及五晚10點半翡翠台播映最後兩集。

Super~~

由於蘭茜講嘢相對正經，即刻激發咗嘉樂嘅「口賤」神經。

「大師兄」原來係暗藏特別任務架。

林曉峰初初做第一輯時直認好驚獎門人。

林曉峰笑言首度與獎門人會面時，排場似足電影《無間道》韓琛食飯經典場口。

今晚（18日）一集，兼任《獎門人》現任獎老的Mayanne，邀得四位獎老界前輩林曉峰、錢嘉樂、蘭茜及阮兆祥（按加入年期順序）擔任嘉賓，大談參與《獎門人》拍攝的喜與樂。四人之中，雖然嘉樂被專稱「大師兄」，但原來第一代獎老竟是林曉峰（阿Lo）及陳小春，阿Lo大爆當年嘉樂之所以被「獎門人」曾志偉睇中接小春棒，全因「把口夠賤」；嘉樂憶述當年接到獎門人邀約電話時相當意外，並笑言全靠獎門人自己的口賤才能才得以跳出武師界。談到獎門人當年為何睇中阿Lo，原因竟和張國榮和一條鞋帶有關，阿Lo說：「嗰時拍《金枝玉葉》，有一場戲講張國榮先生上樓梯，我做助手跟住後面，當時佢唔知左腳定右腳甩咗鞋帶。拍完嗰場後我哋放Break，返到嚟個甩嘅鞋帶就調轉咗喺另一隻腳。當時導演嗌完Roll機後，我就嗌『咪住，好似唔連戲喎』，大家咪即刻睇番錄影帶：『係喎』。嗰日原來獎門人都喺現場，佢心諗原來呢條𡃁仔都幾上心，就搵佢嚟做嘢啦。」至於蘭茜擔任獎老的原因，則與玩獎門人遊戲時全情投入「刨西瓜」及「刨粟米」有關。祥仔則暢談當年如何與志偉、洪天明及鄧兆尊夾計，以各人的腳毛及腋窩毛整蠱遲入組的姚樂怡，最後遭樂怡喊打喊殺，十分搞笑。

估唔到一條鞋帶咁細微嘅嘢，都會畀阿Lo留意到，再畀志偉發現到阿Lo細心嘅一面，足證志偉係幾咁積極同樂意提攜後輩。

錢嘉樂透露未做《獎門人》之前，自己其實算是寡言的人。

蘭茜回想當年玩遊戲時係幾咁投入。

嘉樂大嘆遊戲節目幕後唔易做。

麥美恩都好記得當年姚樂怡係點樣被整蠱，仲大嘆「童年被污染」。

阿Lo仲搞笑大談自己如何成為「公司殺手」。

阿Lo同「大師兄」齊齊回味當年一起創作的「嘉賓名字歌」，仲扮番當年獎門人點把關。

阿Lo重演當年點樣馬拉松式開會開到靈魂出竅。

嘉樂講嘢時係咁向上望，當時阿Lo已懷疑獎門人會唔會已經喺現場。

四人還大談當年錄影《獎門人》的「宵夜度橋日常」，當年因為電視台大戰，《獎門人》最高峯一星期連播五晚，阿Lo大方分享了當年的度橋及上班流程日常：「下午三點返嚟開會，一路開到八點五十分。當年我哋就諗咗改歌詞唱啲嘉賓名出嚟，咁每日揸車就要度18隻歌，每個嘉賓要有3隻，返到去獎門人就會坐喺度問邊隻好笑。然後度度度度到食飯，其實係食唔落架喎。有時做到一點鐘左右收廠，但未完架，喺化妝間再開會，開到三點度，跟住就宵夜架喇，然後再搵地方。記得有一次打風，我哋搵到地方時已天光，成六點幾七點。」

阿Lo嘉樂鬥扮獎門人。

阿Lo嘉樂鬥扮獎門人。

獎門人踩場！

全集最驚喜部分，是當眾人輪流模仿獎門人時，頑皮的志偉即手持小喇叭走入廠送驚喜，令當時除掉雙鞋跪地扮緊志偉的嘉樂大嗌驚驚。志偉一到埗即扮作氣沖沖搞笑謂：「幾多人打電話畀我呀，問：『你仲唔落去？佢哋踩到你一文不值呀！』」之後眾人瘋狂互窒，混亂間曾展望竟大叫志偉「Daddy」，隨即惹起哄動，志偉反應極快接招謂：「出得街架咩？你話畀大家聽媽咪係邊個？！」並親解為何被專稱「阿爸」，志偉說：「阿爸負責畀錢（埋單）架嘛，咁咪叫阿爸咯。」蘭茜聞言即指志偉另一外號是「埋單俠」。另志偉又會親解《獎門人》換主題曲之謎，答案更相當有愛，並與小朋友有莫大關係，欲知詳情？密切留意節目。

獎門人嚟咗氣氛即時升溫。

曾展望叫Daddy，嚇到志偉即刻望錶，現場陷入一片喧鬧。