「暴斃」言論獲前隊友張紋嘉問候張惠雅自爆一直無聯絡

娛圈事

「暴斃」言論獲前隊友張紋嘉問候張惠雅自爆一直無聯絡

2021年01月22日 19:10 最後更新：20:47

Regen話：「大家都唔好再問我或者佢。」

前女子組合HotCha成員張惠雅（Regen）昨日（21日）凌晨4時在社網留言：「如果有一天我突然暴斃請不要驚訝，我已經有呢個覺悟了，晚安」，令一眾好友與網民大為擔心，HotCha舊隊友張紋嘉（Crystal）亦有傳訊息問候。

Regen今日發文，留言收到好多問候，並解釋：「暴斃對我黎（嚟）講係過勞或者唔知做咩突然訓（瞓）低嗰隻，有呢個覺悟，係因為覺得地球都係一個困住靈魂嘅一個地方…未完成任務之前係離開唔到地球。」

在 Instagram 查看這則貼文

RegenC.（@regenc）分享的貼文

Regen又指女神湯怡是其第二個阿媽會照顧她，不過講到新聞講的其他問候，暗示與Crystal關係麻麻：「都係尋（噚）日應該係有記者訪問啊舊拍檔我情況，所以呢，尋（噚）日係有send過一個msg黎（嚟）問侯嘅，之前我地（哋）真係一直無咩聯絡，大家都無咩問候大家，大家都安好。大家都唔好再問我或者佢。I am so sick of this」。

往下看更多文章

張紋嘉首次非組合單拖為動畫獻聲電影訊息有感而發：有勇氣去跳出框框

2024年02月20日 17:00 最後更新：17:05

《鴨仔也移民》中的鴨媽媽彭美一角做粵語配音的張紋嘉（Crystal）就為電影進行謝票

環球影業發行、Illumination 繼《超級瑪利歐兄弟大電影》《壞蛋獎門人》《星夢動物園》《Pet Pet當家》四大皇牌系列後，炮製全新原創2024賀歲動畫窩心笑片王《鴨仔也移民》(Migration)在2月8日開畫至今，除奪得開畫日新片票房冠軍，大收超過7百萬票房，成為2024荷里活動畫之首！電影講述鴨家一直過著單調刻板生活，爸爸滿足於與家人安穩地留在新英格蘭的池塘裡，直到永遠；但媽媽渴望改變現狀，帶兒子和女兒見識外面廣闊世界。某天鴨媽終於說服了爸起行，目標是向南方出發，途經紐約前往熱帶牙買加。

日前為《鴨仔也移民》中的鴨媽媽彭美一角做粵語配音的張紋嘉（Crystal）就為電影進行謝票，現場更同一班現場觀眾及fans玩小遊戲送禮物！今次第一次為主要角色配音的Crystal表示：「今次雖然第三次配動畫，但之前都係組合年代嘅事，都係配角，做其中一個主要角色今次都係第一次！最難忘係第一幕，究竟係一個點樣性格、用乜嘢聲音去演繹，頭嗰幾幕就係好緊要。所以第一幕我記得自己都好緊張同搵咗好耐先大概知道應該可以點樣演繹比較好。而家聽返都覺得自己後面越配越輕鬆，捉到個節奏，我都覺得好開心。」

Crystal直言《鴨仔也移民》除了小朋友，大朋友都好啱睇！「真係一家大細都可以入場睇！笑點唔會淨係小朋友識得笑，大朋友都會覺得好有趣同幽默，而鴨仔爸爸由好怕事都變成一個好勇敢又愛冒險嘅爸爸，令我諗起日常生活，如何有勇氣去跳出框框！可能大家現實生活好難，但係睇完之後可能你會得到一啲勇氣去做你想做嘅事，去你想去嘅地方。」現場有不少一家大細一同入場支持，Crystal 更和小朋友玩小遊，一齊扮戲中主角的可愛表情合影，Crystal說：「啲小朋友真係好得意！亦好多謝特登嚟支持嘅fans！自從上年做多咗一啲個人劇場和演出，大家見面嘅機會都多咗！我嚟緊會有多啲舞台同個人演出，同埋都會出新歌，多啲機會同大家見面！」