*

疫下被迫轉做網紅自救 「最索丫鬟」陳婉婷無後悔離開TVB

Hebe表示因為想試多啲唔同嘅嘢。

因為黃心穎,TVB劇集《堅離地愛堅離地》存倉三年先可以重見天日。劇中飾演女僕,入行十年,身高5呎3吋,腿長38吋,有「最索丫鬟」之稱的陳婉婷(Hebe)獲網民讚可愛,不過觀眾暫時都不會再在TVB見到她,事關她在19年已離巢外闖,「離開都係想出去闖吓,唔想再做妹仔、姣精、宮女、婢女等花瓶!」因為疫情嚴重影響收入,Hebe被迫做網紅靠直播自救,但她說從沒有後悔離開TVB。

疫情下好多廣告Job唔係取消就延期,Hebe收入大減,生活好艱難。

Hebe三圍32B、25、34,穿上泳衣都好有睇頭。

陳婉婷在《堅離地愛堅離地》演網紅Carman,並以女僕裝示人,有場戲指導黃心穎點樣去擺甫士再發嗲功電男人,但戲中的心穎搞唔掂:「《宮心計2深宮計》後第二次同黃心穎合作,好彩佢哋都好信任我,知我做咗好多功課,為咗演好女僕角色,我真係有去女僕Cafe幫襯,學佢哋每次放低食物都會唸魔法咒語,見到客人又會用日文講『主人』、『歡迎主人返嚟』等。」Hebe眼中,黃心穎為人爽朗,好Nice,容易同人混熟:「因為同場全部都係女仔,所以唔覺佢好嗲。」

- 閱讀更多 -

往下看更多文章