「感情問題，一律建議分手。」
想要愛情還是麵包？有女生於網上投稿，表示其16歲男朋友日前欲請她到較好的餐廳大快朵頤，但銀包僅餘100元，「都唔知可以食乜」，又指男方見識少，帶他與朋友外出「感覺真係好樣衰」。女生此話隨即遭網民狠批拜金及物質主義，勸她放生男友，因他「值得更好」。
這名女網民22日於Facebook專頁「名校 Secrets」投稿，直言「男朋友好戇居」。她表示，男朋友日前跟她提議去間較好的餐廳「食好西」，但對方銀包內僅餘100元，讓她大感無奈：「都唔知可以食乜！」
設計圖片
她續指今年16歲的男朋友見識較少，帶他與朋友外出感失禮：「佢16歲都未食過一次buffet，早排帶佢同我閨蜜同埋佢男朋友一齊食飯，感覺真係好樣衰...」
設計圖片
網民看後都為該男生大感不值，批評事主為人拜金及物質主義，不珍惜男生的好意，「人哋得一百蚊都肯請你食嘢就唔好嫌三嫌四」、「你有手有腳要人請食飯，人地得100蚊仲請你食飯，仲要嫌人地窮，你不如去食屎」、「有1000蚊嘅人用10蚊係妳度，而有100蚊嘅人用晒係妳到，邊個愛妳多d？」、「只有100仲肯攞出嚟請你食嘢，呢個男仔真係好大方」。
設計圖片
亦有不少人留言勸她分手，認為該男生值得更好。「咁你咪分手囉，得100仲請你食嘢，不如將佢俾返啲正常女仔仲好」、「得 16 歲未有工作能力，你想佢點啫，搵番 d sugar daddy 啦」、「建議樓主放生你男朋友，佢值得擁有更好」、「咁嫌棄咪分手去揾個有錢嘅囉」、「佢最戇居就係同妳拍拖」、「分手啦，你唔配個男仔」。