警隊大片今晚首播 一哥親身宣傳再做前線警員 章顯小角色成就大意義

在辦公室想影印文件，影印機無晒紙、釘書機無咗釘、飲水機又無水，如果有人默默幫你入番影印紙，又俾部有釘的釘書機你用，唔聲唔聲又幫你換咗空的飲水樽。警隊一哥(鄧炳強)今日就化身前線小角色，默默為同學解決辦公室內「小問題」。

發現同事想影印但無紙。

一哥攞紙入影印機內。

遞上裝滿釘的釘書機。

換完水仲倒滿杯水靜靜雞放在同事枱面。

警隊在社交平台形容，在報案室日常繁忙，但不紊亂，係因為總有人擔當小小角色，為大家默默處理小事兒，就好似職場上有啲小事，係「做咗，唔覺；唔做，好覺」。

一哥為警隊最新宣傳片落力宣傳

 一哥更親自出馬拍片，其實為宣傳警隊2021年的宣傳片《守城》。在今日上載的影片中一哥再做前線「小角色」，鬼馬的演出，除了宣傳《守城》今晚首播，相信還想帶出一個大訊息俾警隊同袍。貫徹埋他在《守城》入面特意飾演高級警員(一柴)的小角色，要章顯警隊每個崗位都好重要：一個小角色，做緊一啲好似好小嘅事情，但成就大意義，都係守護我城嘅重要一員！

警隊2021年的宣傳片，去年8月初構思，由大導演林超賢團隊負責製作，拍攝9個通宵，片中的警察角色全部由警務人員飾演。製作團隊動員600多名來自超過15個警隊單位的人員，並邀請其他政府部門及機構合作。

宣傳影片片名為《守城》。和以往警隊的宣傳片不同，這條影片有一個虛構的故事。《守城》講述香港警隊拘捕了恐怖組織頭目，其黨羽就在全港多處策劃恐怖襲擊，挾持人質，以威逼警隊釋放其首腦。警隊透過高度的策劃和執行能力，一舉搗破恐怖分子的陰謀，從而守護香港。

一哥在《守城》片中飾演反恐特勤隊的高級警員「一柴」(右)。

宣傳片的足版將於今晚(1月23日)10時半及11時，分別在無綫電視翡翠台及香港警隊社交平台發布，想睇客串一名參與行動的「一柴」前線警員的一哥，就要留意影片最頭幾分鐘啦。

Sebastian

** 博客文章文責自負,不代表本公司立場 **

旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。

Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。

「旅遊義工」Agnes退休前任職跨國公司管理層。

退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。

收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。

因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。

Agnes話，每當想起這段回憶，自己能夠幫老人家完成心願，好有滿足感。

退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。

由新加坡回流香港發展的Marco，透過參與「旅遊義工」計劃重新認識香港。

Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。

由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。

做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。

最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。

各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。