女子搭巴士無戴好口罩屢勸不聽 網民無奈：點處理好？

網民問：可唔可以舉報?

本港新冠肺炎確診個案昨日(23日)突破一萬宗，疫情持續，令大家都特別注重衞生。早前有網民在巴士上發現有女子無戴好口罩，而且屢勸不聽，於是無奈地在網上詢問：「其實可以點樣處理這些人，可唔可以舉報佢？」

有女網民日前於社交媒體Facebook群組「屯門公路塞車關注組」上載影片，指自己某日下午3時許坐巴士入屯門，發現巴士上層有一名疑似非華裔女子，將口罩拉到下巴位置。

早前有網民在巴士上發現有女子無戴好口罩，而且屢勸不聽。影片截圖

樓主見狀，便先用英文詢問對方的語言是中文還是英文（「You speak Chinese or English?」），但對方卻突然看一看向後方，之後又轉回頭呆望樓主；樓主於是再道：「你戴返個口罩呀！如果唔係我即刻嗌（巴士）司機㗎」，但對方只是皺了皺眉，既無戴好口罩，亦無開口說話。

事後，樓主不禁在帖文中表示：「其實可以點樣處理這些人，可唔可以舉報佢？」她又補充，之後有叫車長到上層勸該名女子戴好口罩，但當司機走開以後，對方又再次將口罩拉低，甚至「對住我陰陰嘴笑」，令人感到無奈。

事件引起網民熱烈討論，不少人都不認同該名女子的行為，「又係呢d人。如果佢帶菌就大X獲！上層中晒招！」、「呢啲人真係好衰格」，也有人叫樓主直接報警處理。不過亦有些網民放錯重點，認為該名女子看向樓主的眼神似在「放電」，「情深款款望住你影佢喎.....」、「點解，含情脈脈望住你嘅？」、「我見佢同你（樓主）放電多啲」、「佢對眼睛係咁放電」。

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」