*

《造星III》囝囝成搶手貨 Ben、CY、KLAU未簽約慢慢揀

三人未簽約,坦承都要睇定啲。

熱爆的《全民造星III》播完近一個月,一班參賽者依然人氣高企,ViuTV即時食住個勢上周推出由他們孭飛的《囝囝女女730》,而當中冠軍的Ben(趙祥誠)、十強的「神經刀」CY(陳澤言)和KLAU(劉瑞祈)都有份演出。

Ben坦言有好多公司邀請,未來想走多元化藝人路線。

不過,原來三個囝囝仍未跟ViuTV簽約,三人坦承都要睇定啲,由胞姐暫代經理人的Ben坦言有好多公司邀請,未來想走多元化藝人路線;而有姑姐暫任經理人的CY,亦承認有跟其他大公司接洽,最重要有機會畀佢繼續唱歌;至於自爆舊年推了大公司邀請加入新組合的KLAU,亦有不少公司問津,但揀公司重視有創作空間。

一班《造星III》參賽者,已成各大娛樂公司搶手貨,嚟緊應該會keep住見到佢哋!

被指得罪ViuTV高層金廣誠的CY,當日兩人在《囝囝女女730》活動合照。

- 閱讀更多 -

往下看更多文章