大家有沒有什麼好的學英文方法？
唔少人現時都考慮移民，而語言不通也是移民的一大難題。有中學生近日就在Facebook群組「名校Secrets」中發帖傾訴自己的煩惱，獲得不少網民的暖心留言解惑。
資料圖片
這名學生說：「我係一位13歲，中二嘅女仔。因為香港嘅社會問題，所以屋企人都決定咗移民去英國。開頭都係開心，冇諗到其他嘢，但係過咗一排之後，我喺公園見到一啲國際學校嘅小朋友喺度玩，我一直聽住佢哋講英文，發現我係有80%係聽唔明佢哋講咩，開始覺得我係唔係應該繼續留返係香港。」
設計圖片
學生又向網民求救，希望大家俾啲建議：「自己本身都成績唔好，英文係攞20-30分，如果去到嗰邊會唔會真係完全溝通唔到？喺嗰邊學唔學習到？因為大約四月就要去英國，而去嗰邊搵學校都需要用香港嘅成績表，我自己望一望上學期嘅成績表，基本上大部份科目都唔合格，我應該點算？」
帖文惹來不少網民評論，而且對樓主的建議都好友參考價值，實在高質。「過到去過幾年你就會發現你今日既諗法其實好蠢。」「走到就走，雖然外國都唔會好得去邊，但總好過留係香港。而家覺得自己英文唔好，其實冇咩大問題，只要你唔放棄，去到一個英語環境更容易學會。」「睇多啲Netflix YouTube，書就咁睇有生字唔明可以pass住睇，過到去全天候浸住焗住要聽同講，好快就上手」「你英文唔好所以唔敢去英國，但你的普通話好唔好先？遲d香港都要轉講普通話喎 。。。其實唔識咪學囉，學一個月唔識咪學一年囉，最重要係嗰個地方有冇未來呀！」「外國人唔會expect 你英文水平同佢地差唔多 反而你問多啲 制造多啲對話機會 聽多啲就無問題。加油」「你細個乜文都唔識咪一樣學到廣東話，有心唔怕遲，你肯問意見肯問點補救即係你仲想發奮向上，千祈唔好怯，發掘一樣你有興趣嘅課題，狂睇 YouTube 開字幕查字典睇，想學正統啲就睇 BBC 網站，有俾青少年或英語外語學習者嘅資源，唔識就會睇到識」「當你要生存時，你就知道怎樣學會掙扎求存。即係好多老一輩香港人十幾歲遊水落黎香港咋嘛，你估佢地識廣東話咩！比D 信心自己，慢慢去學習講英文。」
設計圖片
更有網民分享自己的親身體驗：「我以前都有同你一樣嘅諗法，我15歲去咗澳洲，我爸媽送咗我入一間當地私校到讀書，初初係真係完全唔明d同學老師講咩，但當你開始適應當地環境之後，聽多d同學之間講嘅嘢同口音，再加上自己後補英文嘅不足，例如睇下英文電影（盡量唔好睇中文字幕，睇英文字幕），聽下英文歌，收音機等等，呢d會對你有好大幫助。我宜加由最初英文同你一樣好差咩都聽唔明，到宜加已經可以用流利嘅英文同人溝通，但當然我去咗澳洲都已經10年啦 你宜加仲係細，要學英文一定好快學識，加油呀」
