想同老公先過二人世界 朱慧敏計劃兩年先再生B

再一次恭喜一對新人！

朱慧敏（Queenie）與養和醫院心臟科專科醫生陳良貴（Jason）前日（24日）假半島酒店舉行婚禮，場內的照片今日（26日）曝光。

Vinci貼出與一對新人的合照。

事後接受訪問時，Queenie表示婚禮籌備過程和行禮當日都既溫馨又感動，又感激老爺奶奶給予他們很大空間，她說：「奶奶同我一齊揀婚紗，一家人又一齊決定場地，整個陳家都好團結，充滿愛，最重要係我哋開心，佢哋點都得，大家都有一致嘅共識，非常溫馨。」

Queenie前日同心臟科醫生Jason於半島酒店舉行婚禮。

至於「造人」大計，Queenie稱與老公都熱愛旅行，希望過一、兩年二人世界，之後才計劃生BB，「我哋都鍾意小朋友，都係順其自然啦，婚後會繼續工作，老公都鍾意睇我做戲，有留意我喺《畢打自己人》嘅演出。」

Queenie表示與老公都熱愛旅行，希望過一、兩年二人世界才計劃生BB。

Queenie又笑言現時除了是朱小姐和陳太，早前攻讀臨牀催眠學治療課程的她，又多了臨牀催眠治療師的身份，Queenie指這一年都在幫情緒上受困擾的客戶，成功率好高，亦計劃之後在網上開Live，跟大家分享健康資訊，她續道：「尤其而家有啲病人會有身心症嘅情況，即係醫生幫病人檢查過身體冇事，但病人仍覺得唔舒服，我就可以喺呢方面提供協助。」

Vinci見證住一對新人的愛情萌芽。

另外，有份到場觀禮的好友王賢誌（Vinci），今午亦於IG Story分享婚禮當日影片，以及跟一對新人的合照，並再一次祝福二人百年好合、永結同心。

Vinci直擊婚禮現場，他笑稱一入Lift就見到新郎哥。

- 閱讀更多 -

一出Lift行到走廊，Vinci又見到新郎的大大幅獨照。

一對新人當日都有向Vinci奉茶。

往下看更多文章